Tuesday, January 19, 2010

အဖေ့ဒိုင်ယာရီထဲက ကျွန်တော် (၃)

၁၉.၃.၇၂

ဒီနေ့ သားနံမယ်ပေးပွဲလုပ်သည်။

မနေ့က နေ့လည် အိမ်ပြန်ရောက်သောအခါ မော်လမြိုင်က အဖွားက သား ကိုယ်လက် အနည်းငယ် နွေးသည်ဆိုကာ စောင်များ ခြုံပေးကာ တအိမ်လုံး တံခါးတွေ ပိတ်ထားသည်။ သားတကိုယ်လုံး ချွေးများစိုရွှဲနေသည်။ စောင်များ ဖယ်ခိုင်း အင်္ကျိလဲခိုင်းရသည်။ သူ့အမေရောက်သောအခါ ရေချိုးပေးသည်။ သားသည် လန်းလန်းဆန်းဆန်းပင် ရှိသည်။

စနေနေ့တစ်နေ့လုံး အိမ်ကို ရှင်းလင်းရင်းဖြင့် အချိန်ကုန်သည်။ ညနေဘက်တွင် ခင်မောင်ဆွေက ဆေးရုံတက်နေရာမှ တွေ့ချင်သည်ဆိုသဖြင့် သွားခဲ့ရသေးသည်။

ဒီနေ့မနက် သားနံမည်ပေးပွဲကို ညွှန်ကြားထားသည့်အတိုင်း လုပ်သည်။ အီကြီးတို့မနက်သုံးနာရီလောက်မှထ၍ အုန်းဆွမ်းချက်သည်။ ငါးနာရီမထိုးမီ ကိုစုရောက်လာသည်။ ညွှန်ကြားချက်များကို ဖတ်ပြီး ငါးနာရီ ကျော်သောအခါ ဘုရားနှင့်တကွ ဆရာသမားများကို ဆွမ်းကပ်သည်။ ငါးနာရီကျော်ကျော်လေးတွင် သားအိပ်ယာမှ နိုးလာသည်။ ငါးနာရီခွဲခန့်ဆွမ်းကပ်ပြီးသောအခါ သားအား သူ့အဘိုးက နံမည်ပေးသည်။ ငါ့မြေးအား မောင်ထွန်းခိုင်ဟု အမည်ပေးသည်ဟု ပြောလိုက်သည်နှင့် တပြိုင်နက် သားက ရွှန်းရွှန်းပပ ပြုံးလေသည်။

အဖေဖြစ်သူက သား၏ညာလက်မောင်းကိုကိုင်၍ အမည်ကို သုံးခါ ခေါ်ရမည်ဟုဆိုထားသည်ကို စိတ်က စောလွန်းနေပြီး ဘယ်လက်မောင်းကို ကိုင်၍ ခေါ်မိသေးသည်။ အသန်းက မှားကြောင်းပြော၍ ပြန်ပြင်ခေါ်ရသည်။

မနက်ကိုးနာရီခန့်မှစ၍ ဧည့်သည်များ တဖွဲဖွဲရောက်လာကြသည်။ မျှော်လင့်ထားသည်ထက် ဧည့်သည်များ အများကြီးပိုပေသည်။ အစားအသောက်များ လောက်မှ လောက်ပါလေမည်လားဟု ပူမိသေးသည်။ ဧည့်သည်များကုန်သောအခါ ပိုပင်ပိုပေသေးသည်။ ဧည့်သည်များကြောင့် သားတနေ့လုံး ပင်ပန်းလှသည်။ ဖြောင့်ဖြောင့်တန်းတန်းကို မအိပ်ရရှာပေ။ ၂နာရီလောက် ရေချိုးပေးပြီး အိပ်ပျော်သွာသည်။ အိပ်ပျော်သွားမှအင် ခေါင်းရိပ်ပေးရသည်။ ညနေ၅နာရီကျော်မှ နိုးတော့သည်။

၂၂.၃.၇၂
ဒီကနေ့မနက် ဆယ်နာရီကျော်ကျော်တွင် မမြင့်ကြည်ရုံးသို့ ဖုန်းဆက်သည်။ မော်လမြိုင်မှအဖွား ဒီမနက်လေယာဉ်ဖြင့်မကွေးသို့သွားသည့်ကိစ္စ လေယာဉ်ကွင်းတွင် ချောမောမှု ရှိ မရှိ မေးရန်ဖြစ်သည်။ မမြင့်ကြည် ခလေး နေမကောင်း၍ ရုံမလာဟုဆိုသည်။ နေ့လည်ထမင်းစားပြီးပြီးခြင်း အိမ်သို့ ပြန်သွားသည်။ မောင်ထွန်းခိုင် အိမ်တွင်မရှိ ညက တက်၍ နံနက် ၂နာရီလောက်တွင် ကိုဂျော်နီတို့အိမ် သွားကြသည်ဟု ဆိုသည်။

မနေ့ညနေကပင် နေကောင်းလျှက်ရှိပေသည်။ ည ၉နာရီလောက်တွင် စ၍တက်သည်ဟုဆိုသည်။ ၁၂နာရီလောက်တွင်လည်း တက်ပြန်သည်။ သို့ဖြင့် ၂နာရီခန့်တွင် သုံးဘီးကားဖြင့် ကိုဂျော်နီတို့အိမ် သွားကြခြင်းဖြစ်သည်။ မနေ့ညနေက အကောင်းပကတိရှိသည်။ နို့အနည်းငယ် အန်ခြင်းနှင့် လျှာ ထုတ်ထုတ် နေသည်ကို အလေးမထားလိုက်မိပေ။ ၀မ်းမှန်သော်လည်း လေမလည်သည်မှာ ၂ရက်လောက်ရှိပြီဖြစ်သည် ကိုလည်း သတိမထားမိကြပေ။ မနေ့ကနှင့် တနေ့က ၂ရက်လောက် ပတ်ဝန်းကျင်မှ ကြော်လှော်ကြသော ငရုတ်သီးကျော် ဆီကြော်လည်း အနည်းငယ် မိသွားသည်။ ၁၉ရက်နေ့က ဆံပင်ရိတ်ပေးပြီးနောက်လည်း ခေါင်းကို အလုံထားရန် ဂရုမထာမိလိုက်။ နံမည်ပေးပွဲအပြီး သိမ်းဆည်းနေကြ၍ ဂရုစိုက်မှု အနည်းငယ် ရော့နည်းသွားသည်။ အိမ်မှာလည်း ကြည်ကြည်တို့သားအမိ ရောက်နေကြသည်ဖြစ်၍ မောင်ထွန်းခိုင်အား ခါတိုင်းလောက် သတိမထားမိကြ။ နို့အန်သည်မှာလည်း ခါတိုင်းအနည်းငယ်အန်နေကျဖြစ်၍ အလေးမထားမိ။ ၁၉ရက်နေ့ကလည်း သားတနေ့လုံး ပင်ပန်းရှာသည်။ သည်အကြောင်းကြောင်းများစု၍ ယခုကဲ့သို့ ရုတ်တရက် ထဖြစ်ပုံရသည်။

တော်ရုံတန်ရုံ နာကျင်ပင်ပန်းမှု မနေမထိုင်သာဖြစ်မှုများဖြစ်၍သားသည် တစုံတရာ ခံစားနေရပုံ ဘယ်တော့မှမပြ။ အနည်းအပါးခံစားရမှုကို ဘယ်တော့မှ ငိုကြွေး ဟစ်အော်ခြင်းပြု၍မပြ။ အေးလွန်းကောင်းလွန်းလှသည်။ သို့ဖြစ်၍လည်း နေမကောင်းထိုင်မသာဖြစ်နေရော့လားဟု ဂရုမထားမိခြင်းဖြစ်သည်။ မေးပြီးစ တပါတ်တွင် ကာကွယ်ဆေးထိုးရာတွင်လည်း လုံးဝမငိုဟု ဆိုသည်။ မနက်က ဆေးထိုးရာတွင်လည်း လုံးဝမငိုဟုဆိုသည်။ ၁၉ရက်နေ့က ဧည့်သည်များ ချီပိုးမွှေ့ရမ်းခြင်းများ ပြုခံရခြင်း ခါတိုင်းကဲ့သို့ အိပ်စက်ရခြင်းများ မပြုရသော်လည်း ဟစ်အော်ငိုကြွေးခြင်းမရှိ။ ဆေးတိုက်ရခက်ခြင်းသာရှိသည်။ ဆေးဆို ချိုချို ခါးခါး ဘယ်ဟာမျိုးမှ မသောက်ချင်။ Vitazone ပင်ထွေးထွေးထုတ်နေ၍ မနည်း တိုက်ရသည်။


29.3.72
မနေ့က ရုံးစတက်သည်။ ရုံးရောက်ရောက်ခြင်း ဒုမှုးကြီးအား ခလေးကောင်းစွာနေမကောင်း၍ ခွင့်သုံးရက်ခန့် ယူလိုကြောင်းပြောသည်။ ယူပါဟုဆိုသဖြင့် ခွင့်တိုင်စာတင်လိုက်သည်။

မောင်ထွန်းခိုင်အတွက် တပ်တွင် စာရင်းဝင်ရန် စခန်းချုပ်ရုံး၌ လိုအပ်သော ပုံစံများ သွားယူခဲ့သည်။ မွေးလက်မှတ်နှင့် တင်ရမည်ဖြစ်သည်။ ရုံးပြန်တက်မှ ဆက်လုပ်ရမည်။ ညနေရုံးမှအိမ်ပြန်ရောက်သောအခါ တအိမ်သားလုံး အောက်ထပ်တွင်ရောက်နေကြသည်။ ယခုပင် မောင်ထွန်းခိုင် တက်သည်ဟုဆိုသည်။ သားကတော့ ပုံဟန်မပျက် လန်းဆန်းလျက် တွေ့ရသည်။ သူ့အမေရောက်သောအခါ တိုင်ပင်ကြပြီးနောက် အရပ်ထဲရှိ သဘာဝဓမ္မဆရာထံ သွားပြသည်။ အုပ်ဆေး တိုက်ဆေး ပေးလိုက်သည်။ ၈ကျပ်ပေးရသည်။ ကိုဂျော်နီအိမ်သို့ သွားရောက် အကျိုးအကြောင်းပြောသည်။ ဆေးပေးလိုက်ပြီးနောက် စိတ်မချက အိပ်ဟုဆိုသဖြင့် မှုးအောင်ခင်ထံ ကားတောင်းပြီး သွားကြသည်။

ကိုဂျော်နီအိမ်ရောက်သောအခါ တစုံတရာ ဆေးမတိုက်ဘဲ စောင့်ကြည့်သည်။ တညလုံး ဘာမှမဖြစ်။ မမြင့်ကြည်နှင့် ၂ယောက်သား မောင်ထွန်းခိုင်ကို စောင့်ကြည့်ရင်း တညလုံးကုန်သည်။ နှစ်နှစ်ခြိုက်ခြိုက် တရေးမျှ မအိပ်လိုက်ရ။ နောက်နေ့မနက် အိမ်သို့ပြန်လာကြသည်။ မောင်ထွန်းခိုင်သည် လန်းဆန်းလျက် ရွှင်မြူးလျက်ရှိသည်။

29.3.72
မနက်စောစော ၈း၀၀နာရီခန့် ထမင်းစားပြီး ဒပ်ဖရင်ဆေးရုံ ဆေးဆိုင်တွင် ကိုဂျော်နီဝယ်ခိုင်းသော Valium 2 အရည်ဆေးသွားဝယ်သည်။K 81 05 ပေးရသည်ဆိုမှ ဘဏ်သို့သွား၍ ငွေထုတ်သည်။ ငွေရသောအခါ ဂျာနယ်ကျော် မမလေးဆီသွားစုံစမ်းသည်။ နေ့လည် တနာရီနှင့် သုံးနာရီကြားလာနိုင်သည်ဟုဆိုသည်။ အိမ်ပြန်လာပြီး မှုးအောင်ခင်ထံဖုန်းဆက်၍ ကားတောင်းသည်။ မရှိ။ အစည်းအဝေးသွားသည်ဟုဆိုသည်။ ဗကမြဘူးထံ ဖုန်းဆက်ရာတွင်လည်း ရုံးတွင်မရှိ။ ဗကတင်ဝင်းအား ကားလိုချင်ကြောင်းပြောသည်။ နေ့လည် ၁နာရီကျော်ကျော်တွင် ကားရောက်လာသည်။

မမလေးက သားမောင်ထွန်းခိုင်သည် နေသမားဖြစ်ကြောင်းပြောသည်။ အမေက လသမားဖြစ်၍ နို့မတိုက်ရန် ပုခက်နှင့်မတည့်၍ ပုခက်မဆင်ရန် တတ်နိုင်က နို့ဆီတိုက်ရန်ပြောသည်။ သားသည် ငယ်လွန်း၍ သောက်ဆေးမပေး လိမ်းဆေးပေးလိုက်သည်။ ၄င်းလိမ်းဆေးနှင့် သနပ်ခါး နံသာရှောက်ရည်လိမ်းရန်။ စံပယ်ပန်းအနံ့ လှိုင်လှိုင်ပေးရန် တက်သောအခါ ခြေဖ၀ါးကို ရှောက်သီးနှင့်ဆားနှင့်တိုက်ရန် မှာသည်။ တက်သောအခါ မော်တော်ကားလျှောက်မောင်းရန် မှာသည်။

အိမ်ပြန်ရောက်သောအခါ ပုခက်ဖြုတ်သည်။ အမေနို့ဆက်မတိုက်ရန် ဆုံးဖြတ်ကြသည်။ နို့ဆီပြောင်းတိုက်သည်။ စံပယ်ပန်းများဝယ်၍ သားအား အနံ့ပေးသည်။

နေုာက်ဆက်မတက်ရန် ဆုတောင်းမိကြသည်။

30.3.72
ည ၂နာရီခန့်တွင် သားတက်သည်။ မမလေးမှာသည့်အတိုင်လုပ်ကြသည်။ သူခိုင်းသမျှလုပ်ရာမှ ယခုလို တက်လာခြင်းဖြစ်သည်။

မနက်၉နာရီခန့် ညှော်နံ့များရသည်။ မနေ့က တနေ့လုံးသူ့အဖွား ၀င်းထဲအိမ်တွင်သွားချုပ်ထားသော ပိတ်ခြင်ထောင်ထဲဝင်နေသည်။ အညှော်နံ့ပျောက်ပျောက်ခြင်း အပြင်မထွက်မိဘဲ ခဏနေမိသည်။ သားသည် မှေးမှေးလေး အိပ်နေရာမှ တက်လာသည်။ မမလေးမှာသည့်အတိုင်း လုပ်ကြသည်။ သူ့အဖွားက ကြက်သွန်ဖြင့် မှုတ်ခြင်းက အကျပို၍ မြန်သည်ဟုဆိုကာ ကြက်သွန်ဖြင့်မှုတ်သည်။ ကြက်သွန်ကြောင့်လား မမလေးဆေးကြောင့်လားမသိ အတက်ကျသွားသည်။ သူမှာသည့်အတိုင်း သုံးဘီးကားခေါ်၍ ကန်တော်ကြိး ၂ပတ်လိုက်မောင်းပြီး ပြန်လာခဲ့သည်။ အပြန် မမလေး ရုံးသို့ဝင်သည်။ မရောက်သေး။

အိမ်ပြန်ရောက်ပြီး ထမင်းစားသောက်ပြီးနောက် မမလေးရုံးသို့ ထပ်သွားသည်။ မရောက်သေး။ တနာရီကျော်မှရောက်မည်ဟုဆိုသည်။ အိမ်ပြန်ရောက်ပြီး နောက်ထပ်သွားမှ တွေ့သည်။ ညကနှင့် ဒီမနက် ၂ကြိမ်တက်ကြောင်း ပြောပြရာ သူမှာထားသည့်အတိုင်းပင်လုပ်ရန်ပြောသည်။ ၀မ်းချုပ်ကြောင်း မနေ့က ၀မ်းမသွား၍ Baby Lex တိုက်ရာ မနက်တက်ပြီးတုန်းက ၀မ်းသွားကြောင်း ပြောပြသည်။ တခြားဘာဆေးမှ မတိုက်ရန် သူမှာသည့်အတိုင်းလုပ်က ၀မ်းသွားမည်ဖြစ်ကြောင်းပြောသည်။

အိမ်ပြန်ရောက်ပြီးနောက် သူမှာခဲ့သည်များကို ပြောပြသည်။ လောလောဆယ် ဘာဆေးမှ မတိုက်သေးရန် ပြောသည်။ ညနေ လေးနာရီခန့်တွင် အိပ်ယာမှ နိုးလာရာမှ တက်ပြန်သည်။ ခါတိုင်းထက် နည်းနည်းပိုကြာသည်။ မျက်ဖြူလန်လွန်း၍ မမလေးမှာသည့်အတိုင်း မျက်စိထဲသို့ ရှောက်ရည်အနည်းငယ် ခပ်လိုက်မိသည်။

ဒီတခေါက်တက်ပြီးနောက် ဒီအိမ်တွင် ပူ၍လှောင်၍ ဖြစ်မည်ဟုထင်၍ ၀င်းထဲအိမ်သို့သွားကြသည်။ တအိမ်လုံး ၀မ်းသာကြသည်။ ကိုစုရောက်လာသည်။ အကျိုးအကြောင်းပြောပြသောအခါ ကိုစု အိမ်ခဏ ပြန်သွားသည်။ ပြန်လာသောအခါ ယခုလိုဖြစ်ခြင်းသည် မိဘမောင်နှမများ စိတ်တွင်ထင်သလို အပ ပရာဂ တစုံစရာကြောင့် မဟုတ်ကြောင်း အားလုံးကောင်းသွားအောင် ၁.၄.၇၂ စနေနေ့ညနေဖက်နေ၀င်ချိန်တါင် ရွှေတိဂုံဘုရာ်း စနေဒေါင့်၌ ဆီမီးပူဇော်ရန်ပြောသည်။ ဖယောင်းတိုင်တထုတ်ကိုလည်းပေးသည်။ ဘိုးဘိုးများက ပေးလိုက်သည်ဟု ဆိုသည်။ ကိုစုက ဤသို့ဆို၍ အားလုံး စိတ်လက်ပေါ့ပါးသွားကြသည်။

သားအားစိတ်မချနိုင်ပဲ ၂ယောက်လုံး စောင့်ကြည့်နေမိသည်။ ည ၁၀နာရီခန့်တွင် တခါတက်ပြန်သည်။ မမလေး မှာသည့်အတိုင်းပင် လုပ်ကြသည်။ ခဏအကြာတွင်ကောင်းလာသည်။ ယခုဆိုလျှင် ၁၈.၃.၇၂ ရက်နေ့မှစက စုစုပေါင်းတက်သည်မှာ ၅ကြိမ်ရှိပြီဖြစ်သည်။ တကြိမ်တက်ပြီးတိုင်း သားသည် သိသိသာသာ ပင်ပန်း နွမ်းနယ်ပုံပေါ်သည်။

သားလေးလုံးဝကောင်းလာပါစေ .....

Monday, January 18, 2010

အဖေ့ဒိုင်ယာရီထဲက ကျွန်တော် (၂)

25.12.71
သားအတွက်နံမည်တောင်းရန် ယနေ့မနက်စောစော မျိုးမျိုးတို့နှင့်အတူ ကျိုက်ပတိုင်သို့သွားသည်။

26.12.71
ယနေ့မနက်စောစော ကိုကြည်က နိုး၍ သား၏ နံမယ် ကိစ္စပြောသည်။

မောင်ထွန်းခိုင် ဟုအမည်ပေးသည်။


ရက်တရာပြည့်သော ၁၉.၃.၇၂ ရက်နေ့တွင်မှ ခေါ်ရမည်ဖြစ်သည်။ ထိုနေ့ နံနက်(၅)နာရီနှင့် (၆)နာရီကြားတွင် နံမယ်ပေးရမည်။


နံနက်(၅)နာရီကျော်နေတက်ချိန်တွင် ခလေး၏အဘိုးက ခလေး၏လက်နှစ်ဖက်ကို ဆုပ်ကိုင်ရမည်။ ခလေး၏လက်များကို လက်အုပ်ချီထားစေရမည်။ ကလေး၏ဖခင်ကချီထားရမည်။ ခလေး၏အဖိုးက ခလေး၏လက်အုပ်အတွင်းသို့ အောင်သပြေပန်းတခိုင်ထည့်ပေးပြီး ခလေး၏လက်ကို မိမိ၏လက်များဖြင့် ဆုပ်ကိုင်ပြီးလျှင် "ငါ့မြေးအား မောင်ထွန်းခိုင် ဟုအမည်ပေးသည် ဟု ပြောဆိုရမည်။ ၄င်းနောက် "ယနေ့ နံမည်ပေးသည့် နေ့မှစ၍ အောင်သပြေပန်းကဲ့သို့ အစစအရာရာ အောင်မြင်ပြီးလျှင် သြဇာကိတ္တိမ ကြီး၍ အသက်ရာကျော်ရှည်ပါစေသော်" ဟု ဆုပေးရမည်။

၎င်းနောက် ခလေး၏မိခင်က ခလေးကို ချီပြီးလျှင်ခလေး၏အဖွားအား လက်အုပ်ချီပုံပြုလုပ်စေရမည်။ ထိုအခါ ခလေး၏ အဖွားက န၀ရတ်ကိုးပါးစီချယ်ထားသော ရွှေမောင်းလည်ဆွဲကို ခလေးအားဆွဲပေးရမည်။ ထို့နောက် "ငါ့မြေး မောင်ထွန်းခိုင်သည် ယနေ့မှစ၍ ရတနာ(ရ)ပါး စီးပွားဥစ္စာ အဖြာဖြာတို့သည် တိုးတက်ပြီးလျှင် အစစ အရာရာ ကြံတိုင်းအောင်၍ ဆောင်တိုင်းမြောက်ပြီးလျှင် အသက်ရာကျော်ရှည်ပါစေသော်" ဟု ဆုပေးရမည်။

ရွှေမောင်းကို - မောင်း၏ဘေးပါတ်လည်တွင် န၀ရတ် (ဂ)ပါးစီပြီး မောင်း၏ဘုတွင်ပတ္တမြားကို တပ်ဆင်ရမည်။ အမည်ပေးသောနေ့တွင် ဘုရားနှင့်တကွ ဆရာသမားများအား အုန်းဆွမ်းကပ်လှူပူဇော်ရမည်။ အောင်သပြေ ပန်းကပ်ရမည်။ လိုရာဆုတောင်းရမည်။ အောင်သပြေပန်းကို အနာအဆာကင်းဆင်၍ စင်းလုံးချော ဖြစ်စေရမည်။

ခလေးအားနံမည်ပေးပြီးသောအခု ခလေး၏ဖခင်က ခလေး၏ညာလက်မောင်းကို ကိုင်ပြီး နံမည်ကို သုံးခွန်းခေါ်ရမည်။ ခလေး၏အမေက ခလေး၏ဘယ်လက်မောင်းကို ကိုင်ပြီး နံမည်ကို သုံးခွန်းခေါ်ရမည်။ ခလေးမိဘများက ထိုနေ့တွင် ခလေးအားလက်ဆောင်ပစ္စည်း မပေးရ။

လက်ဆောင်ပေးသောသူများအား အောင်သပြေပန်းတခိုင်စီပြန်ပေးရမည်။ ဧည့်သည်များအား အုန်းထမင်းနှင့် ကြိုက်ရာဟင်းတခုခုကျွေးရမည်။

္ကဤသို့ပြုလုပ်ရသည်မှာ - ခလေး၏တသက်တာလုံးအတွက်ဖြစ်သည်။ ခလေးသည် စနေသား အဓိပတိဘွား ဖြစ်သည်။ တနင်္ဂနွေအထွန်းဖြစ်သည်။ ထက်မြက်သူဖြစ်မည်။

တလောက မော်လမြိုင်အဘိုးထံမှ စာလာသည်။ သူ့အဖိုးက ခလေးသည် စနေသား အဓိပတိဘွားဖြစ်၍ မုချ လူရည်ချွန်ဖြစ်လိမ့်မည်- စာတွင်ရေးခဲ့သည်။

29.12.71
ယနေ့ညနေသား ခါတိုင်းကဲ့သို့မလန်း - ငို၍ ငို၍ နေသည်။ တခုခုတင်းတင်းကြပ်ကြပ်ခံစားနေရပုံရသည်။ သူ့အမေက ခလေး တနေ့လုံး ခါတိုင်းကဲ့သို့ အီးမပေါက်ကြောင်း ညနေ၀မ်းသွားရာတွင်လည်း နည်းကြောင်း ပြောသည်။ ထို့ကြောင့် Gripe Mixture လဘက်ရည်ဇွန်းဝက် တိုက်လိုက်သည်။ ၈နာရီကျော်တွင် ၀မ်းသွားသည်။ နေသာသွားပုံရသည်။ ညတနာရီခန့်တွင်မှ နိုးသည်။ ထို့နောက် တနာရီတခါမျှ နိုးသည်ဟု သူ့အမေကပြောသည်။ ခါတိုင်းဆိုလျှင် ၉နာရီကျော်တွင်အိပ်ပြီး ၁၂နာရီခန့်တွင် တခါနိုး၍ နို့စို့သည်။ နောက် ၂နာရီခန့်တခါ နိုး၍ နို့စို့သည်။

၃၀.၁၂.၇၁
ယနေ့သား ခါတိုင်းကဲ့သို့ပင် လန်းဆန်းသည်။ ယနေ့ညနေ နို့ဘူးတစ်ခါတိုက်သည်။ တလောက သူ့အမေ တနေ့ နို့ဘူးတခါတိုက်သည်။ နောက်နေ့ဝမ်းသွားရာတွင် ဖြူနေ၍ သူ့အမေထပ်မတိုက်ဘဲထားသည်။ ယနေ့ စကားကြုံ၍ မေးကြည့်ရာ ဗိုလ်မှုးမြင့်သိန်းက နို့ဘူးတိုက်လျှင် ယခုကဲ့သို့ပင်ဖြစ်ကြောင်းပြော၍ ယနေ့ ထပ်တိုက်ခြင်းဖြစ်သည်။

၁၁.၁.၇၂
ယနေ့သား တလပြည့်သည်။ တလပြည့်လျှင် လာပြပါဆိုထား၍ ယနေ့ မင်္ဂလာဒုံဆေးရုံကြီးသို့ သူ့အမေ သွားပြသည်။ ဗကအောင်ခင်က ကားစီစဉ်ပေးသည်။

နှစ်ပေါင်တိုးလာသည်။ အစစအားလုံး ချွတ်ယွင်းချက်မရှိ မတွေ့ရ။

၁၁နာရီကျော် အိမ်ပြန်ရောက်ပြီး သားနေမကောင်းဖြစ်သည်။ ကိုယ်ပူလာသည်။ ပူလွန်း၍လောမသိ တက်သလို ဖြစ်သွားသည်ဟုဆိုသည်။ ညကလည်း ကောင်းကောင်းမအိပ်။ ကိုယ်ကို ညှစ်လျှက် ညီးလျက်နေသည်ဟု ဆိုသည်။ ၀မ်းလည်းခါတိုင်းလောက်မသွား။ ဒီကနေ့ ဆေးရုံအသွားအပြန် လေအေးများ မိ၍ အအေးပတ်သွားခြင်း ဖြစ်ပေမည်။ လွန်ခဲ့သော တရက်နှစ်ရက်ကလည်း အကြောင်းကြောင်းကြောင့် အအေးမိလေသလားမသိ။ ပြန်လည်စဉ်းစားရာတွင်လည်း မှားစရာတခုမှ မတွေ့မိ။ မနက်ဘက်နေပူစာလှုံရန် အိမ်ရှေ့သို့ ထွက်သည်ကိုသာ တွေးမိသည်။

ညနေဖက်တွင် သူ့အဖွား ကိုဂျွန်နီထံသို့သွား၍ ဆေးသွားယူခဲ့သည်။ ၆နာရီကျော်ခန့်တွင် ၀မ်းသွားသည်။ ၄င်းနောက် ဆေးတိုက်သည်။ ဆေးများတိုက်ပြီး တက်သကဲ့သို့ဖြစ်ပြန်သည်။ ၀တ်ပေးထားသော အနွေးထည်ကို ကမန်းကတမ်းချွတ်ပစ်လိုက်ရသည်။ ၄င်းနောက် ကောင်းသွားသည်။ နေသာသလိုဖြစ်သွားသည်။ ခြေလက် လှုပ်ခါဖြင့် ပေါ့ပေါ့ပါးပါး ဖြစ်သွားသည်။ နှစ်ခါသုံးခါ ဟတ်ချိုးလည်းခြေသည်။ ဒီညကောင်းသွားမည့်ပုံပင် ဖြစ်သည်။ ကောင်းပါစေလို့ ပြင်းပြင်းပြပြ ဆုတောင်းမိသည်။ သင်တန်းတက်နေ၍ အိမ်မှာအိပ်ချင်လျှက် မအိပ်နိုင်ပဲ ကျောင်းသို့ စိတ်တပူပူဖြင့် ပြန်လာခဲ့ရသည်။ ယနေ့ အိမ်ပြန်ရာတွင် ဘတ်စကားစောင့်ရ၍ ၅နာရီမှ ရောက်သည်။ ရောက်သောအခါ သူ့အမေ ရင်ခွင်တွင် ညှိုးနွမ်းစာ မှိန်းနေသော သားကို တွေ့ရသည်။ သားနေမကောင်း၍ ကျောင်းသို့ အချိန်မှီ ပြန်မရောက်ပဲ ၈နာရီမှ ရောက်သည်။ လူသာကျောင်းမှာ ရှိသော်လည်း စိတ်ကတော့ သားထံတွင် ကျန်ခဲ့သည်။

၁၂.၁.၇၁
ညက တညလုံး သားထံသို့ စိတ်ရောက်နေသည်။ အိပ်၍မဖြောင့်-မနက် ၈း၂၀တွင် ဗကတင်ဝင်းထံဖုန်းဆက်မေးကြည့်သည်။ သားနေကောင်းသည်တဲ့ - ခုမှ စိတ်အေးရ တော့သည်။

ထမင်းစားပြီး အိမ်ပြန်သွားသည်။ ၁၂နာရီခန့် အိမ်ရောက်သည်။ သားအိပ်ပျော်နေသည်။ လန်းဆန်း အေးညိမ်းစွာတွေ့ရသည်။ သူ့အမေက ညက တညလုံး နေကောင်းကြောင်း ပြောသည်။ နေမကောင်း သော်လည်း အမေကို ဒုက္ခအနည်းငယ်မျှမပေး - လိမ္မာလှသောသားတဲ့ ...

ညကအိပ်မပျော်မီ ဘုရားစာမျး တတ်သမျှရွတ်ပြီး သားအတွက် ဆုတောင်းပေးနေမိသည်။ အိပ်ရာမှ နိုးတိုင်းလည်း ဆုတောင်းလိုက် အဖေများကို တလိုက်ဖြင့်သာ အချိန်ကုန်သည်။သားဆက်ပြီး နေမကောင်း မဖြစ်ပါစေနဲ့.... နေ့လည်က ရသမျှ အချိ်န်တနာရီခန့်တွင် သားမျက်နှာကိုဘဲ တစိမ့်စိမ့် ကြည့်မ၀ဖြစ်နေသည်။ သီတာမည်သော သားရဲ့ရုပ်ရည် ....

၂၉.၂.၇၂

၁၂ပတ်ထဲရောက်လာပေပြီ။

သားသည် အရှိန်မပျက် ကြိးထွားလာခဲ့သည်။ မျက်နှာကြီး ပြည့်ဝန်းလျက် ကျန်းမာဝဖြိုးလျက်ရှိသည်။ ၁၅.၁.၇၂ ရက်နေ့က အိမ်ဖော်ကောင်မလေး ပျင်း၍ ဆက်မနေနိုင်တော့ပါဆို၍ အိမ်မှပြန်သွားသည်။ သူ့အဖွား တယောက်တည်း တနေ့လုံးထိန်းနေရသည်။ သူ့အမေက ရုံးပြန်ရောက်မှ ထမင်းချက် အ၀တ်လျှော်လုပ်ရသည်။ ရုံးမှ ပင်ပင်ပန်းပန်းပြန်ရောက်ပြီး အိမ်တွင်လည်း အနားမရ အလုပ်များရသည်။ တခါတရံ ညတွင် သားခဏ ခဏနိုးသဖြင့် အိပ်ပျက်သေးသည်။ သို့ဖြင့် ပင်ပန်းလွန်း၍ သူ့အမေ ပိန်၍ပင်သွားသည်။

ကံကောင်းထောက်မစွာ ၅.၂.၇၂ ရက်နေ့တွင် မော်လမြိုင်မှအဖွားက အဖေါ်တယောက် ခေါ်၍ရောက်လာသည်။ သား၏ကုသိုလ်ပင် အစစအရာရာ အဆင်ပြေလာသည်။ ၁၆.၂.၇၂ ရက်နေ့တွင် တပ်မှ Vitazone ၀ယ်၍ ရခဲ့သဖြင့် ယခု နေ့စဉ် တိုက်ကျွေးနေသည်။ ၁၆.၂.၇၂ ရက်နေ့တွင် Vitazone ၄ပုလင်းထပ်ရသည်။ အောက်မှသားအတွက် တပုလင်းပေးလိုက်သည်။

အဖိုးဖြစ်သူက ထမင်းနှင့်အခြားတစုံစရာ မကျွေးသေးရန် နို့ပင်ဆက်တိုက်ရန် စာရေးခဲ့သည်။





Saturday, January 16, 2010

အဖေ့ဒိုင်ယာရီထဲက ကျွန်တော် (၁)



11.12.71 စနေနေ့

လေတပ် ပြေးခုန်ပစ်ပြိုင်ပွဲနေ့.

ဒိုင်လူကြီးလုပ်ရမည်ဖြစ်၍ နံနက် ဂး၃၀နာရီခန့်တွင် သွန်းရန် ဗကမြဘူးတို့ လာကြိုမည်ဖြစ်သည်။

အိပ်ယာမှ ထသည့်အချိန်မှစ၍ မမြင့်ကြည်က ဗိုက်အနည်းငယ်နာလာကြောင်း ပြောသည်။ ထို့ကြောင့် ဗိုလ်မှုး သာခင်ကားနှင့် ဗကမြဘူးတို့ရောက်လာကြသောအခါ မင်္ဂလာဒုံသို့ မမြင့်ကြည်အား တပါတည်း ခေါ်လာခဲ့သည်။ ဆေးရုံသို့သို့သည်။ ဆေးရုံတွင် မန္တလေးမြို့၌ တပ်တွင်းပညာပေးတက်စဉ်က ဆုံခဲ့သော ဒေါက်တာ ဗိုလ်မှုးေါ်ခင်ညိုနှင့်ဆုံ၍ အပ်ခဲ့သည်။ ၁၀း၀၀နာရီခန့်တွင် ဆေးရုံမှ ပြန်လာ၍ အားကစားကွင်းသို့ သွားသည်။ ညနေလေးနာရီခန့်တွင် ဆေးရုံသို့ရောက်သောအခါ မမြင့်ကြည်မီးဖွားပြီးဖြစ်ကြောင်း တွေ့ရသည်။ နေ့လည် ၃း၀၀နာရီတွင်ဖွားသည်။ သားယောင်္ကျားဖြစ်သည်။ ၆ပေါင် ၁၄အောင်စ အလေးချိန်ရှိသည်။ မမြင့်ကြည်က သူ့သား၏ ဆံပင်များနက်ပြီးများကြောင်း လက်ကို ကိုက်၍နေကြောင်း အေးကြောင်း ၀မ်းသာအားရပြောသည်။ ဧည့်သည်များလာချိန် ခလေးများကို အပြင်ထုတ်မထား၍ မတွေ့ခဲ့ရ။ မိခင်ရော ကလေးပါ ကျန်းမာကြသည်။

12.12.71
ညနေ မမြင့်ကြည်အားသွားကြည့်သည်။ ကျန်းမာ၍ လမ်းလျှောက်လျှက်ရှိကြသည်။

13.12.71
ယနေ့မမြင့်ကြည် ဆေးရုံမှဆင်းသည်။ ဆေးရုံမှ အိမ်သို့ပြန်ရန်ကားကို ဗကအောင်ခင်က စီစဉ်ပေးသည်။ အီကြီးနှင့် မမြင့်ကြည်၏အမေတို့က သွားကြိုကြသည်။ မစန်းနွယ်လည်းလိုက်သွားကြောင်းသိရသည်။ ညနေ ရုံးမှ အိမ်သို့ ပြန်ရောက်သောအခါ အိမ်တွင် ခလေးကို စတင်တွေ့ရသည်။ ခလေးငယ်တို့၏ ထုံစံအတိုင်း နီတာရဲလေးဖြစ်သည်။ ဆံပင်များက မဲနက်ပြီး များပြားကြောင်းတွေ့ရသည်။ ဟိုလူနှင့်တူသလိုလို သည်လူနှင့်တူသလိုလို - ညတွင် အေးလွန်းသောကြောင့်လားမသိ။ ကောင်းစွာ မအိပ် ငို၍နေသည်။

14.12.71
ယနေ့ညလည်းသား ခဏခဏငိုသည်။ အအေးဒဏ်ကို ခံနိုင်သောကြောင့်ပင်ဖြစ်သည်။

15.12.71
ယနေ့ည သားကောင်းစွာအိပ်သည်။ ၂ခါသာထသည်။ နို့စို့သေးပေါက်ပြီး ပြန်အိပ်သည်။

20.12.71
ယနေ့ အမှတ်(၂) စစ်ဆေးရုံတွင်း B.C.G ဆေး သွားထိုးသည်။ ဆေးထိုးစဉ် မငိုကြောင်း သူ့အမေကပြောသည်။ ဆေးထိုးသော်လည်း ခါတိုင်းကဲ့သို့ပင်ရှိသည်။ ပို၍ ငိုခြင်း အီခြင်းမရှိ။

ဆေးရုံသွားရန်ကားကို ဗကအောင်ခင် ကပင် စီစဉ်ပေးသည်။


Wednesday, January 13, 2010

ခရီးသွား ထွန်းလင်းထွန်း



ပြီးခဲ့တဲ့ week end က ငွေဆောင်ရောက်ခဲ့တယ်။ သားလေးအတွက် ပထမဆုံး ခရီးဝေးထွက်ခြင်းပေါ့။ ကံမကောင်းချင်တော့ သောကြာနေ့ညထွက်ကတည်းက ကလေးကဖျားချင်သလိုဖြစ်နေတာ ငွေဆောင်မှာ နေတဲ့ နှစ်ရက်လုံး အပြင်းဖျားပါရော။ ညဖက်တွေ ပွေ့ချီထားပေးရတယ်။ တော်သေး၏ ဆေးတွေ ဆောင်လာခဲ့လို့။ တနလာင်္နေ့မနက် ပြန်ခါနီးမှာတော့ အဖျားကျသွားတယ်။ အနီကွက်တွေ ထလာတယ်။ ရန်ကုန်ရောက်မှ ဆရာဝန်ပြန်ပြကြည့်တော့ ဂျိုက်သိုးလိုမျိုးဖြစ်တာတဲ့။ နောက်တစ်ရက် နှစ်ရက်လောက်ဆို ကောင်းသွားမှာပါ။ အခုတော့ ဆော့နေလိုက်တာ နေမကောင်းဖြစ်နေတယ်တောင် မထင်ရဘူး။

လှိုင်းတွေပုတ်နေတာကို သားက အရမ်းကြိုက်တယ်။ အာဝုန်း အာဝုန်း....ဆိုပြီး လှိုင်းတွေကို ကြည့်ပြီး သဘောတွေကျနေလိုက်တာ။ ကိုယ်ပူနေတော့ ရေတော့ မဆော့လိုက်ရရှာဘူး။ နောက်နည်းနည်းလေး ကြီးမှ တစ်ခေါက်လောက် ထပ်ပို့ပေးရမယ်။