Friday, September 7, 2007

နှစ်ကျိပ်ရှစ်ဆူ

ကျိုက်ပတိုင်းရွာလေး ကိုးန၀င်းအေးစေတီဝင်းထဲက နှစ်ကျိပ်ရှစ်ဆူဘုရားတွေပါ။ ပဲခူးမြို့က ပစ်တိုင်းထောင် ဒေါ်တင်ရီ မိသားစုက ဆောက်လုပ်လှူတန်းတဲ့ ကိုးပေးဆယ်ခန်းကျောင်းဆောင်ထဲမှာ စံပါယ်တော် မူနေကြ တာပါ။ ဘုရားတစ်ဆူခြင်းကတော့ ဓမ္မာ့မိတ်ဆွေ မိသားစုတွေ အသီးသီးက လှူတန်းထားကြတာပါ။ နောက်ခံ ဗနိုင်းနဲ့ ဘုရားသမိုင်းစာတွေက ကျွန်တော့်ရဲ့အလှူပါ။




































အဲဒီ ဗနိုင်းကားချပ်တွေပေါ်က စာသားတွေကို သိမ်းထားတဲ့သဘောနဲ့ ဒီမှာပဲတင်ထားလိုက်ပါတယ်။


မတူ (၈) မျိုး
မြတ်စွာဘုရားရှင်တို့သည်အလုံးစုံသောဘုန်းတန်ခိုးအာနုဘော် ကျေးဇူးတော်၊ဂုဏ်တော်တို့မှာ တစ်စုံတစ်ရာ ထူးထွေခြင်းမရှိ၊ ပကတိမခြား၊ အားလုံးအတူတူပင်ဖြစ်သည်။ ခေတ်၊အချိန်အခါ မတူ၍ကွဲပြားခြားနားသော မတူ(၈)မျိုးသာရှိသည်။ ၄င်းတို့မှာ-

၁။ အသက်တမ်းပမာ (အာယုဝေမတ္တ)

၂။ လုံးရပ်ပမာဏ (ပမာဏဝေမတ္တ)

၃။ အမျိုးအနွယ် (ကုလဝေမတ္တ)

၎။ တောထွက်သောအခါစီးသည့်ယာဉ် (ယာနုဝေမတ္တ)

၅။ ဗောဓိပင် (ဗောဓိဝမတ္တ)

၆။ ပလ္လင်တော်ပမာဏ (ပလ္လင်္ကဝေမတ္တ)

၇။ ဒုက္ကရစရိယာကျင့်ရာကာလ (ပဓာနဝေမတ္တ)

၈။ ရောင်ခြည်တော်ပမာဏ(ရသ္ဓိဝေမတ္တ)

ဤ(၈)မျိုးမှလွဲရင် ဗုဒ္ဓမြတ်စွာဘုရားကိုယ်တော်၏ လက္ခဏာတော်ကြီးငယ်အားလုံး အတူတူဖြစ်သလို ဟောကြားသော တရားအနှစ်သည်လည်း အတူတူပင်ဖြစ်သည်။သက်တမ်းတစ်သိန်းတန်းမှာ ပွင့်တော်မူသည့် ဗုဒ္ဓဟောကြားခဲ့သော တရားနှင့် သက်တမ်းတစ်ရာမှာ ပွင့်ခဲ့ရသည့် ဂေါတမမြတ်စွာဘုရား ဟောကြားသော တရားအတူတူပင်ဖြစ်သည်။ အသက်တစ်သိန်းတန်း မှာပွင့်ခဲ့ရသောကြောင့်တစ်လမှာ တစ်ဂါထာ၊ တစ်နှစ်မှာ တစ်ဂါထာ ဟောခဲ့ရခြင်းရှိကောင်းရှိမည်။

ဂေါတမမြတ်စွာဘုရားမှာနှစ်တစ်ရာတန်း၊၀ါတော်မှာ(၄၅)၀ါ သာရှိသည့်အတွက် နှစ်တစ်သိန်းတန်းမှာ ပွင့်ခဲ့ရ သည့် မြတ်စွာဘုရားများ ဟောကြားခဲ့ရသည့် တရားအလုံးစုံပြီးပြည့်စုံအောင် နေ့နေ့ညည၊ ညဥ့်ဦး၊ ညဥ့်လယ်၊ အရုဏ်တက်စသည်ဖြင့် ခေတ္တခဏသာနားပြီး (၄၅)၀ါပတ်လုံး မနားမနေ ဟောကြားခဲ့ရသည်။


မဟာကပ်နှစ်မျိုး
၁။ သုညကပ်= သုညကမ္ဘာ (မြတ်စွာဘုရားမပွင့်သောကပ်)

သို့သော် ပစ္စေပဗုဒ္ဓါနှင့်စကြာမင်းတို့ဖြစ်ပေါ်နိုင်ကြောင်း

အပဒါန်ပါဠိတော်၊ပဌမ၀ဂ်၊ပါလိထေရသုတ်တို့၌ပါရှိ၏။

၂။ အသုညကပ် = အသုညကမ္ဘာ (မြတ်စွာဘုရားပွင့်တော်မူသောကပ်)

တစ်ဖန်မြတ်စွာဘုရားနှင့်တော်မူသောကပ်ပေါင်းငါးမျိုး ရှိပြန်သည်။

(က) ဘုရားတစ်ဆူပွင့်လျှင် - သာရကမ္ဘာ

(ခ) နှစ်ဆူပွင့်လျှင် - မဏ္ဍကမ္ဘာ

(ဂ) သုံးဆူပွင့်လျှင် - ၀ရကမ္ဘာ

(ဃ) လေးဆူပွင့်လျှင် - သာရမဏ္ဍကမ္ဘာ

(င) ငါးဆူပွင့်လျှင် - ဘဒ္ဒကမ္ဘာ

ကပ်တစ်ကပ်၏အချိန်ကာလကိုသင်္ချာဂဏန်းဖြင့်ရေတွက်၍ မရနိုင်ပါ။ သို့သော်မှန်းဆ၍ကြည့်လိုလျှင် အလျား၊ အနံ၊ အမြင့် တစ်ယူဇနာစီရှိသောတိုက်ခန်း(ဂိုဒေါင်)ကြီးအတွင်း၌အလွန်သေးငယ် လှသော မုန်ညင်းဖြူစေ့တို့ကို အပြည့်ထည့်ထားပြီး အနှစ်တစ်ရာ ပြည့်လျှင်တစ်စေ့ယူ၍ပစ်။ ထိုဂိုဒေါင်ကြီးထဲမှမုန်ညင်းစေ့သာ ကုန်ဆုံး သွားမယ်။ကပ်တစ်ခုအချိန်ကာလတစ်ခုမကုန်ဆုံးသေးပါ။

မှန်းဆကြည့်ရန်-

တစ်ယူဇနာ = မိုင်ပေါင်း(၁၃)မိုင် (အယူအဆအမျိုးမျိုးရှိပါသည်)

ဂိုဒေါင်၏ထုထည် = 13 x 13 x 13 x (5280)3 x (12)3 cubic inches


မုန်ညင်းစေ့တစ်စေ့(ခန်မှန်း)အချင်းဝက် မ = 0.01 inch


ဘုရားလောင်း (၃)မျိုး
ဘုရားသုံးမျိုးမကွဲပြားပါ။ပါရမီဖြည့်ကျင့်ပုံချင်းမတူသောကြောင့် ဘုရားလောင်း (၃)မျိုးကွဲပြားရသည်။ ဗျာဒိတ် ရရန် အင်္ဂါ(၈)ပါး မပြည့်စုံမီအချိန်ကာလကိုအသင်္ချေနှင့်ပင်ရေတွက်၍မရနိုင်သည့် အတွက် ဘုရားဟော ကျမ်းစာမှာ လုံးဝမပါရှိပါ။ သို့သော်ဗျာဒိတ်ရခြင်းအင်္ဂါ (၈)ပါးပြီးပြည့်စုံချိန်မှာဘုရား တစ်ဆူက ၄င်း ဘုရားလောင်း၏ ဥာဏ်ရည် (ယခုခေတ်အခေါ် IQ = intelligent quotient)ကို ကြည့်ပြီး-

(၁) ပညာဥာဏ်ကိုအဓိကထားမည့် ဘုရားလောင်းအား
(ပညာဓိကဘုရားလောင်း)ဟုဗျာဒိတ်ပေးပြီး (၄)သင်္ချေနှင့် ကမ္ဘာတစ်သိန်းပါရမီဖြည့်ရ၏။

(၂) ယုံကြည်ခြင်းသဒ္ဒါလွန်ကဲသည့် ဘုရားလောင်းအား
(သဒ္ဒါဓိကဘုရားလောင်း)ဟုဗျာဒိတ်ပေးပြီး (၈)သင်္ချေနှင့် ကမ္ဘာတစ်သိန်းပါရမီဖြည့်ရ၏။

(၃) ၀ီရိယကိုသာအားကိုးအားထားပြုသည့်ဘုရားလောင်းအား
(၀ီရိယဓိကဘုရားလောင်း)ဟုဗျာဒိတ်ပေးပြီး (၁၆)သင်္ချေနှင် ကမ္ဘာတစ်သိန်းပါရမီဖြည့်ရ၏။

နောင်ပွင့်လတ္တံသောအရိမေတ္တယျမြတ်စွာဘုရားသည် ဘုရားလောင်းဘ၀က (၁၆)သင်္ချေ နှင့်ကမ္ဘာတစ်သိန်း ပါရမီဖြည့်ခဲ့ ရသည့် ၀ီရိယဓိကဘုရားလောင်းဖြစ်သည်။ ဂေါတမမြတ်စွာဘုရားလက်ထက်မှာ အဇိတဟူ၍ မထင်မရှားရဟန်းဖြစ်ခဲ့သည်။ ထိုအဇိကရဟန်းသည် ဗိမ္မိသာရ၏မြေးဖြစ်ပြီးအဇာတသတ်မင်း၏ သားတော် ဖြစ်သည်။


ဒုက္ခစရိယာ(၆)နှစ်ကျင့်ရခြင်း၏အကြောင်းအရင်း
ဂေါတမမြတ်စွာဘုရားလောင်းသည် ဒီပင်္ကရာမြတ်စွာဘုရား ထံမှဗျာဒိတ်ရရှိခဲ့သော်လည်း ဒုက္ကရ စရိယာ (၆)နှစ် ဟူ၍မပါ ရှိသေးပေ။ ပါရမီဖြည့်စဉ် (၄)သင်္ချေနှင့်ကမ္ဘာတစ်သိန်း ပြည့်နေပြီဖြစ်သည့် ယခုဘဒ္ဒါကမ္ဘာတွင် ဂေါတမဘုရားမတိုင်မီ ကဿပမြတ်စွာဘုရားပွင့်ခဲ့သည်။

ဂေါတမဘုရားဖြစ်မည့်ဘုရားလောင်းဇောတိပါလပုဏ္ဏား လုလင်သည် ကဿပမြတ်စွာဘုရားကို ဤ ဦးပြည်းကတုံး ရဟန်း အဖို့ရာ သဗ္ဗညုတရွှေဥာဏ်တော်သည်အဘယ်မှာဖြစ်နိုင်အံ့နည်း။ (သဗ္ဗညုတ ရွှေဥာဏ်တော်ဟူသည်မှာ အလွန်တရာရခဲသောတရားဖြစ်သည်) ဟုနှုတ်ဖြင့်ပစ်မှား ဝေဖန် ပြောကြား ခဲဖူးသည်။

(၂၈)ဆူသော ဘုရားများအနက် အခြားဘုရားများမှာရက် (သို့မဟုတ်) လသာကြာခဲ့ပြီး ဂေါတမမြတ်စွာဘုရားလောင်းမှာ ထိုမကောင်းမှုဝစီပေါက်ဝဋ်တော်လိုက်မှုကြောင့်ထူးထူးခြားခြား ဒုက္ကရစရိယာ (၆)နှစ်ကြာအောင်ကျင့်တော်မူရခြင်းဖြစ်သည်။


ဂေါတမမြတ်စွာဘုရားသက်တော်(၈၀)ဖြစ်ရခြင်း
မြတ်စွာဘုရားတို့မည်သည် လူတို့သက်တမ်းအပြည့်နေရိုးမရှိ။ လူတို့သက်တမ်း(၁၀၀)နှစ်၏ ၅ပုံလျှင်၎ပုံ (၈၀)နှစ် သာတည်တော်မူသည်။ ထို့ကြောင့်ဂေါတမမြတ်စွာဘုရားသည်(၈၀)နှစ်ဖြင့် ပရိနိဗ္ဗာန်ပြုခဲ့သည်။




No comments: