မန်ယူကို လေးဂိုးပြတ်ရှုံးပြီးတဲ့နောက်မှာ ကစားသမားတွေရဲ့ စိတ်ဓါတ်ကို ထိခိုက်သွားပုံပေါ်တယ်။ အေစီမီလန်ကို အိမ်ကွင်းမှာ ကစားရတဲ့ပွဲကို ဂိုးမရှိသရေပွဲဖြစ်သွားတယ်။ ထားလိုက်ပါတော့ အေစီဆိုတာကလည်း အစဉ်အလာရှိတဲ့ ဥရောပချန်ပီယံအသင်းပေကိုး။ ဆိုးသွားတာက အရင်အပတ်က ဘာမင်ဂမ်နဲ့ပွဲမှာပါ။ ဒါဆေးဗား ခြေကျိုးသွားကတော့ မတတ်နိုင်ဘူး။ ဖြစ်ချင်လို့ တိုက်ဆိုင်လို့ဖြစ်သွားတယ်လို့ပဲ မှတ်လိုက်ပါတယ်။
ဒါပေမဲ့ ဆယ်ယောက်ပဲကျန်တဲ့ အမှတ်ပေးဇယားအောက်နားက အသင်းကို ဖိဖိစီးစီးမကစားနိုင်ပဲ ပွဲပြီးလုပြိးခင်မှာ ပင်နာတီပေးလိုက်ရပြီး သရေဖြစ်သွားတာ တော်တော်ဆိုးတယ်။ အဖိုးတန်နှစ်မှတ် ဆုံးသွားတာပေါ့။ အသင်းခေါင်းဆောင် ဂါးလက်စ်ရဲ့ အပြုအမူကလည်း professional မဆန်လိုက်တာ။ ခေါင်းဆောင်မပီသဘူးလို့ လဲပြောချင်တယ်။ မန်ယူက မန်စီးတီးကို အိမ်ကွင်းမှာ ရှုံးခဲ့ပေမဲ့ နောက်နှစ်ပွဲမှာ ဂိုးပြတ်အနိုင်ကစားသွားတယ်။
ဒီအပတ်လဲ အာဆင်နယ်က မလွယ်ကြောပဲ။ ဗီလာကွင်းမှာ သွားကန်ရမှာ။ ရှုံးရင် မန်ယူက နံပါတ်တစ်ပြန်ဖြစ်တော့မယ်။ သရေဆိုရင်တော့ အမှတ်ပေးဇယားကို ဆက်ဦးဆောင်နိုင်ဦးမယ်လို့ မျှော်လင့်တာပဲ။ မန်ယူကတော့ ဖူဟမ်ကို နိုင်မှာပါ။ ဒီပွဲပြီးရင် အေစီမီလန်ကွင်း သွားကန်ရမဲ့ပွဲက ပိုဆိုးတယ်။
အကြိုဗိုလ်လုပွဲတက်ဖို့ မျှော်လင့်ချက်က ခပ်ရေးရေးပဲဖြစ်နေတယ်။ ဒါပေမဲ့ တစ်နှစ်က အိမ်ကွင်းမှာ အင်တာမီလန်ကို ဂိုးပြတ်ရှုံးခဲ့ပြီးမှ အဝေးကွင်းမှာ အနိုင်ပြန်ကန်ပြီး နောက်တစ်ဆင့်တက်သွားဖူးတဲ့ သာဓကတော့ရှိတယ်။ ရှေ့တန်းက အဒီဘေယာနဲ့ ဘန်တနာက သိပ်မကြာခင်ကပဲ အချင်းများထားတာ။ ဗန်ပါစီကလည်း ပွဲပြည့်ဆော့နိုင်ဦးမှာ မဟုတ်သေးဘူး။ ရိုစင်းစကီး ပြန်ကစားနိုင်မယ်ဆိုရင်တော့ အတော်ကောင်းမယ်။ ဘာပဲဖြစ်ဖြစ် အာကြီးကံကောင်းပါစေဗျာ။
No comments:
Post a Comment