Monday, November 19, 2007

မိမိကိုယ်မိမိ ရိုးသားမှုရှိရေး

ဒီတစ်ပတ် Voice ဂျာနယ်ထဲက အယ်ဒီတာ့ အာဘော်လေးကို အရမ်းကြိုက်လို့ လက်ရှိအခြေအနေတွေကို ပညာသားပါပါ ထင်ဟပ်ပြလို့ ကောက်နှုတ်ကူးယူဖေါ်ပြလိုက်ပါတယ်။ ဒုတိယကမ္ဘာစစ်ကာလက ဟစ်တလာအပါအ၀င် နာဇီဗိုလ်ချုပ်ကြီးတွေဟာ လိမ်ညာ ၀ါဒတွေဖြန့်ရင်း နောက်ဆုံး သူတို့ပါမသိစိတ်ကယုံသွားပြီး အဲဒီအလိမ်အညာကြီးတွေကို အမှန်လို့ထင်သွားခဲ့ကြကြောင်း ဖတ်ခဲ့ဖူးပါသည်။ (ဘယ်စာအုပ်လဲတော့ မမှတ်မိတော့)


မိမိကိုယ်မိမိ ရိုးသားမှုရှိရေး

နာမည်ကျော် မင်းကွန်းဆရာတော်ကြီး သက်ရှိထင်ရှားရှိစဉ်က ရုပ်သံမှ မကြာခဏ ကြားခဲ့ရသော မေတ္တာပို့တရားတော်မှ လူအချင်းချင်းလှည့်ဖြားခြင်း ကင်းရှင်းကြပါစေ ဟူသောစကားကို စာဖတ်သူများ မှတ်မိနေဦးမည်ဟု ထင်ပါသည်။

လှည့်ဖြားခြင်းနှင့် ပတ်သက်၍ပြောရလျှင် လူတို့သည် လူအချင်းချင်းလှည့်ဖြားကြရုံသာမက မိမိကိုယ်မိမိကိုလည်း လှည့်ဖြား တတ်ကြကြောင်း သတိပြုမိသူအလွန်နည်းသည်။ သူတစ်ပါးကို လှည့်ဖြားခြင်းနှင့် မိမိကိုယ်မိမိ လှည့်ဖြားခြင်း နှစ်မျိုးအနက် သူတစ်ပါးကိုလှည့်ဖြားခြင်းသည် တစ်နေ့တွင် အဖြစ်မှန်ပေါ်ပေါက်တတ်သော်လည်း မိမိကိုယ်မိမိလှည့်ဖြားခြင်းသည် မည်သည့်အခါမျှ အဖြစ်မှန်မပေါ်တတ်၍ သေသည်အထိ လှည့်ဖြားမှုအောက်တွင် နေထိုင်သွားကြရလေ့ရှိပါသည်။

များသောအားဖြင့် လူတို့သည် မတရားမှု ပြုလုပ်ရသောအခါတွင် မိမိကိုယ်မိမိ မတရားမှုပြုသူအဖြစ် လက်မခံနိုင်သဖြင့် လိုအပ်သော မိမိကိုယ်မိမိ လှည့်ဖြားမှု ပြုလုပ်ကြရသည်။ ထိုလှည့်ဖြားမှုကို ကာယကံရှင်က ယုံကြည်ပြီဆိုလျှင် ထိုမတရားမှုကို ကျူးလွန်နိုင်သကဲ့သို့ ထောက်ပြသူများကိုလည်း လှည့်ဖြားထားသည့်အတိုင်း ယုံကြည်စွာ ပြောဆိုနိုင်သွားသည်ကို တွေ့ရသည်။ အပြောခံရသူအများစုက ထိုသူသည် မိမိကိုယ်ကိုလှည့်ဖြားထားမှန်းမသိသောကြောင့် အဘယ့်ကြောင့် အဘယ်သို့သောသဘောထားဖြင့် ဤသို့ပြောနိုင်သည်ကို နည်းမလည်နိုင်အောင် ရှိကြသည်ကိုလည်း တွေ့ရသည်။

အထူးဖေါ်ပြလိုသည်မှာ မိမိကိုယ်မိမိ လှည့်ဖြားမှုများကို ဖော်ထုတ်နိုင်သူမှာ မိမိကိုယ်တိုင်သာဖြစ်ကြောင်းနှင့် ထိုသို့လှည့်ဖြားထားမှုများကို ဖော်ထုတ်နိုင်ရန်မှာ မိမိကိုယ်မိမိ ရိုးသားမှုရှိရေးသာဖြစ်ပါသည်။

အယ်ဒီတာ (၁၂-၁၁-၂၀၀ရ)

The Voice Weekly (Vol. 4/ No.5)

1 comment:

TKLinn said...

ကောင်းလိုက်တဲ့ ဆောင်းပါး။
ကျေးဇူးပါ။