Thursday, November 15, 2007

Products and their benefits

နေ့လည်က လဘက်ရည်ဆိုင်ထိုင်းရင်း ကိုယ့်ရဲ့ EMBA term-paper အတွက်ဆွေးနွေးဖြစ်ကြတယ်။ အဓိကကတော့ benefit အပိုင်းပေါ့။ ပစ္စည်းတစ်ခု ၀န်ဆောင်မှုတစ်ခုကြောင့် customerက ဘာအကျိုးကျေးဇူးရသွားလဲပေါ့။ ကိုယ်လုပ်မှာက post purchase evaluation of business software application ဆိုတော့ လူတွေ ဘယ်ပစ္စည်းတွေကို ဘာလို့ဝယ်လဲ၊ ဘယ်အချိန်မှာဝယ်လဲ၊ ဘာမျှော်လင့်ပြီးဝယ်တာလဲ ...ဒါကို ဆန်းစစ်ရမယ်။

မော်တော်ကားဆိုပါတော့။ ကိုယ်ပိုင်ကားပေါ့။ သူ့ကိုဝယ်ထားရင်ဘာအကျိုးရှိမလဲ? အချိန်မကုန်ပဲ အလိုရှိရာနေရာကို သက်တောင့်သက်သာရောက်မယ်။ ဘတ်စ်ကားစီးတာ၊ လမ်းလျှောက်တာထက်တော့ မြန်မယ် လူသက်သာမယ်။ အင်း... Taxi ငှားစီးလဲရတာပဲလို့တော့ စောတက တက်စရာရှိတယ်။ တစ်ချို့အချိန် တစ်ချို့နေရာတွေမှာ ငှားရခက်တာ၊ ငှားလို့ကို မရတာမျိုးလဲရှိနိုင်သေးတယ်လေ။ အဲဒီနောက်မှာမှ ကားပုံ ဒီဇိုင်းလှတယ်၊ မောင်းလို့ကောင်းတယ်၊ ပိုမြန်တယ်၊ စက်သံမဆူညံဘူး၊ ဆီစားသက်သာတယ်... စတာတွေက feature တွေ function တွေပေါ့။

နောက်ဥပမာတစ်ခုက တယ်လီဖုန်းပေါ့။ အော်ပြောလို့မရနိုင်တဲ့နေရာကလူတွေကို ဆက်သွယ်စကားပြောနိုင်မယ်။ ဒါသူ့ရဲ့ general benefit ပေါ့။ အဲဒီနောက်မှာမှ သယ်သွားလို့ရတဲ့ mobile ဖုန်း၊ SMS ပို့လို့ရတယ်၊ လိုင်းပိုမိတယ်၊ ဒီဇိုင်းလှတယ်၊ memoryပိုများတယ် စတာတွေက functionတွေ featureတွေပေါ့။

အကျိုးကျေးဇူးကို တိုက်ရိုက် သိသိသာသာ မတွေ့ရပဲနဲ့ လူတွေငွေသုံးနေကြတာလဲရှိတယ်။ (ကျွန်တော့်အမြင်သက်သက်ပါ) ဥပမာ Anti-oxident ဆေးတွေပေါ့။ အသက်ရှည်မယ်၊ နုပျိုတယ်၊ ကင်ဆာမဖြစ်ဘူး ...ဘာညာပေါ့။ အဲဒီအကျိူးကျေးဇူးတွေကို ဘယ်တော့တွေ့ရမှာလဲ။ ဥပမာ ခေါင်းကိုက်နှာစီးနေလို့ ပါရာစီတမောဝယ်သောက်တယ်။ ဝေဒနာသက်သာသွားတယ်ပေါ့။ ခုနက ပြောတဲ့ဆေးမျိုးမှာ အဲဒီလိုတိုက်ရိုက် benefit တွေကျွန်တော်မတွေ့မိဘူး။ တစ်ချိန်ကြရင်ရမယ် ကြိုတင်ကာကွယ်မယ်ဆိုပြီး တစ်ချို့လူတွေဝယ်သောက်နေကြတာပဲ။

အဲဒိတော့ နောက်ဆုံးပြောဖြစ်ကြတာက ကွန်ပျူတာဆိုတာကြီးကရော ဘယ်လိုbenefitတွေပေးလဲ။ သာမန်လူတစ်ယောက် ရှင်းကနဲ နားလည်သွားအောင် ကျွန်တော်ပြောဖို့ခက်နေတယ်။ General Purpose Stored program digital electronic machine ဆိုတဲ့ သူ့ရဲ့ ဘွဲ့နံမည်အရကို ပြောရမှာ အရမ်းကျယ်ပြန့်နေတယ်။ စာရိုက်လိုရရတယ်ဗျာ၊ ပုံဆွဲဗျာ၊ ရုပ်ရှင်ကြည့်မလား သီချင်းနားထောင်မလား၊ စာရင်းဇယားတွေဆွဲလို့ရတယ်ဗျာ ... အဲဒီလိုတွေလျှောက်ပြောပြန်ရင်လဲ feature တွေ functionတွေ ဖြစ်နေရော။ ကဲအဲဒီတော့ benefit ကိုဘယ်လိုပြောရမလဲ.. ကွန်ပျူတာတောင်ပြောရခက်နေရင် software ဆိုရင် ပိုဆိုးပြီပေါ့။

ဘာရယ်မဟုတ်ပါဘူး။ အားအားယားယားပြောခဲ့ကြတာလေးတွေ မေ့မသွားအောင် ရိုက်ချထားတာ။ paper ရေးရင် တစ်ခုခုထည့်ရေးရအောင်လို့ပါ။ :D

No comments: