MSN Fantasy Football game

ရုံးက ကလေးတွေ ကစားနေတာတွေ့တာနဲ့ စိတ်ဝင်စားသွားပြီး သူတို့ကို မေးမြန်းပြီး သကာလ MSN Fantasy Football game လေးကို စပြီးကစားဖြစ် ပါတယ်။ ကစားပုံက အစပိုင်းမှာ ပိုက်ဆံ 115သန်း ပေးထားပါတယ်။ Premier Leagueမှာကစားတဲ့ ကစားသမားတွေထဲက ကိုယ့်စိတ်ကြိုက် ၁၁ယောက် ရွေးဝယ်ရပါမယ်။ နံမည်ကြီးတာ ခြေစွမ်း ထက်ထာပေါ် မူတည်ပြီး စျေးလဲကြီးသွားပါမယ်။ ပြီးရင် မန်နေဂျာ ခန့်ရပါမယ်။ မန်နေဂျာ ကလည်း နံမည်ကြီး ဖာဂူဆင်တို့ ဝင်းဂါးတို့ဆို စျေးကြီးပါတယ်။ သာမန်အဆင့် မန်နေဂျာ တွေဆို သက်သာပါတယ်။ 

ပေးထားတဲ့ ပိုက်ဆံနဲ့ လောက်အောင် အသင်းဖွဲ့ ရမှာပါ။ 11ယောက်လုံး နံမည်ကြီးတွေ လိုက်ခေါ်ချင်လို့တော့ မရဘူးပေါ့။ ဒီGame မှာ စိတ်ဝင်စားစရာ ကောင်းတာက တကယ်ကန်တဲ့ Premier League က result တွေပေါ်မူတည်ပြီး ကိုယ်ရွေးထားတဲ့ မန်နေဂျာနဲ့ ကစားသမားတွေအလိုက် အမှတ်ပေးပါတယ်။ ဥပမာ ကိုယ်ရွေးထားတဲ့ နောက်တန်း ကစားသမားပါတဲ့အသင်းက clean sheet (ဂိုးမပေးရရင်) +2 ရပါတယ်။ ဒါပေမဲ့ တစ်ဂိုး သွင်းခံရတိုင်း -2 နှုတ်ပါတယ်။ အဲဒီနောက်တန်းသမား ဂိုးတက်သွင်းရင် +5 ရပါတယ်။ ဂိုးသမား၊ အလယ်တန်း၊ ရှေ့တန်းကစားသမားတွေအတွက်လည်း အမှတ်ပေးပုံတွေ သီးခြားသတ်မှတ်ပေးထားပါတယ်။ ရှေ့တန်း ကစားသမား (striker) အတွက်ဆိုရင် တစ်ဂိုးသွင်းတိုင်း +3 ရပါတယ်။ 

ကိုယ်က captain ခန့်ထားတဲ့ ကစားသမားရတဲ့ အမှတ်ကို နှစ်ဆပေးပါတယ်။ ပြီးရင်ကိုယ့်ဘာသာ mini-league တစ်ခု create လုပ်ပြီး ကစားတဲ့ အခြားသူငယ်ချင်းတွေကို join ဖို့ ဖိတ်နိုင်ပါတယ်။ အပတ်စဉ် Premier League ပွဲတွေ ကစားပြီးရင် အမှတ်တွေ တွက်ပေးပါတယ်။ တစ်လကို player transfer လုပ်ခွင့် ၄ကြိမ်ပေးထားပါတယ်။ နာသွားတဲ့ကစားသမား၊ ခြေစွမ်းကျတဲ့ကစားသမားတွေကို တစ်ချိန်လုံးစောင့်ကြည့်ပြီး သင့်တော်သလို (ပေးထားတဲ့ ပိုက်ဆံဘောင်ထဲက) အပြောင်းအရွှေ့ လုပ်လို့ရပါတယ်။ Premier League စကတည်းက စပြီး ကစားနေကြတာ ကျွန်တော်တော့ အခုမှ ကစားဖြစ်တယ်။ ၀ါသနာပါတဲ့ ဘလော့ကာတွေထဲက ကစားနေတာရှိရင် mini-league လေးတစ်ခုလောက် ဆောက်ပြီး အပျော်ကစားကြတာပေါ့။

.