Saturday, November 10, 2007

ဟနွိုင်းသို့အလည်တစ်ခေါက်

တဖြေးဖြေးနိမ့်ဆင်းလာတဲ့ လေယာဉ်ပျံပေါ်ကမြင်ရတာကိုက စနစ်တကျအကွက်တကျရှိလှတဲ့ စိုက်ခင်းတွေ။ စိုက်ပျိုးရေးကို အကြီးအကျယ်လုပ်နေတယ်ဆိုတာ မပြောပဲကို သိနိုင်တယ်။ လေဆိပ်ကအထွက်မှာ KADO ကလာကြိုနေတယ်။ ဗိယက်နမ် tour guide အမျိုးသမီးလေးတစ်ယောက်။ လာအိုက နှစ်ဦးကယောက်နှင့်နေပြီ။ ဖိလစ်ပိုင်ကနှစ်ယောက်လာမှာကို snack bar လေးကနေထိုင်စောင့်ကြတယ်။ လာအိုကလာတဲ့အမျိုးသမီးကြီးက ဒီကသရက်သိးဖျော်ရည်ကောင်းတယ်ဆိုတာနဲ့ တစ်ခွက်မှာသောက်တယ်။ လေဆိပ်ကထွက်တော့ ညနေငါးနာရီခွဲတော့မယ်။ 

.

မြို့အဝင် highway လမ်းကြီးကလည်းအတော်ကောင်းတယ်။ လမ်းဘယ်ညာမှာ ကြော်ငြာ billboard ကြီးတွေ တန်းစီလို့။ စိုက်ခင်းတွေကလည်း မျက်စိတစ်ဆုံးပဲ။ ပြောင်းဖူးခင်းတွေ၊ စပါးခင်တွေများတယ်။ လမ်းပေါ်မှာ မော်တော်ဆိုင်ကယ်တွေအတာ်များတာကို သတိပြုမိတယ်။ စိုက်ခင်းတွေကျော်တော့ စက်ရုံတွေ တန်းစီနေတာပဲ။ FDI (Foreign Direct Investment) အများကြီးရှိတယ်ဆိုတာ တော်တော်ပေါ်လွင်နေတယ်။ 

.

ရန်ကုန်ကအထွက်က Nov 7 မနက်၁ဝနာရီ TG နဲ့ဘန်ကောက်ကိုပေါ့။ ပြီးတော့နေ့လည် ၂နာရီမှာ Air France နဲ့ ဟနွိုင်းကိုထပ်စီးရတယ်။ ပထမဆုံးအကြိမ် Air France ကို စီးဖူးတာပဲ။ တစ်ယောက်စီအတွက် ရှေ့ထိုင်ခုံရဲ့နောက်ကျောမှာ touch screen နဲ့ ရုပ်ရှင်ကြည့်ဖို့ ပေးထားတယ်။ Die Hard 4, Transformer စသည်ဖြင့် ငါးကား ခြောက်ကားလောက်ထည့်ပေးထားတယ်။ beer သောကာ် ရုပ်ရှင်ကြည့်ရင်း အချိန်ဖြုန်းလို့ရတာပေါ့။ တိုက်ရိုက်သွားရင် နီးနီးလေးဟာကို ကွေ့ပတ်သွားလိုက်ရတယ်။ ဘန်ကောက်ကနေ ဟနွိုင်းက ၁နာရီခွဲလောက်စီးရတယ်။ 

.

KADO (Korea Agency for Digital Opportunity and Promotion) က Digital Opportunity Forum 2007 တက်ဖို့ဖိတ်လို့သွားတာပါ။ ၂၀၀၅ ဒီဇင်ဘာတုန်းက KADOရဲ့ အစီအစဉ်နဲ့ Korea, Seoul မှာ ၆ရက် eGovernment training သွားခဲ့ဖူးတယ်။ အဲဒီအဆက်အစပ်နဲ့ ပြန်ဖိတ်တာဖြစ်မယ်။ မြန်မာပြည်အတွက် ITA (IT Ambassador) အဖြစ်ပေါ့။ (အဟိ အမေ့သား မသေခင် Ambassador ဖြစ်ပြီပေါ့ ခွိ။) 

.

Hanoi Sharaton Hotel မှာထားပေးတယ်။ Forum ကလည်း အဲဒီမှာပဲ။ Nov 8 ရက်နေ့မှာလုပ်တာ။ ကမ္ဘောဒီယား၊ လာအို၊ မလေး၊ မြန်မာ၊ ဖိလစ်ပိုင်၊ထိုင်းက ကိုယ်စားလှယ်တစ်ဦးစီ နိုင်ငံနဲ့ပတ်သက်တဲ့ IT Development, eGovernment ဘာညာနေကြာကွာစိ စာတမ်းငယ်တစ်စောင်တင်ပြီး မိနစ်၂ဝလောက် presentation လုပ်ရတယ်။ အချိန်မရလို့ဘယ်မှတောင် ကောင်းကောင်းမလည်လိုက်ရပါဘူး။ Forum ပြီးတော့ Dinner မတိုင်ခင် ရတဲ့အချိန်ကလေး မြန်မြန်ကလေး ဟိုတယ်နားတစ်ဝိုက်ပဲလျှောက်သွားခဲ့ရတယ်။ ဆိုင်ကယ်တွေများပုံကတော့ တကယ်ကို လက်လန်တယ်။ ရှုပ်ပါတယ် စည်းကမ်းမရှိပါဘူးဆိုတဲ့ ကိုမောင်လှတို့ ကိုသခင်ကြီးတို့ရဲ့ မန္တလေးမြို့တောင် ဟနွိုင်းနဲ့ယှဉ်ရင် ချာတိတ်ဖြစ်သွားတယ်။ 

.

ဟွန်းသံတွေကလဲဆူညံနေတာပဲ။ ရှိသမျှလမ်းစည်းကမ်းလဲ အကုန်ဖောက်ဖျက်တယ်။ လမ်းတောင် တော်ရုံနဲ့မကူးရဲဘူး။ အတော်ကြာအောင်စောင့်ပြီးမှ ကျိတ်မှိတ်ပြီး ဇွတ်ကူးရတယ်။ တစ်ချို့အိမ်လေးတွေတကယ်လှတယ်။ (နောက်မှ ဓါတ်ပုံတင်ဦးမယ်။) ကမန်းလေးမှာလိုပဲ အဆင်ပြေသလိုကြည့်ရှောင်မောင်းနေကြတာပဲ။ လမ်းဘေးက အကြော်ဆိုင်လေးတွေ၊ ခေါက်ဆွဲသုတ်ဆိုင်လိုဟာလေးတွေ အုတ်နံရံကို မှီပြီး ခုံလေးတွေချတားတဲ့ ဆံပင်ညှပ်ဆိုင် ... တစ်ချို့နေရာတွေက ရန်ကုန်လောက်ပါပဲ။ ဒါပေမဲ့ နေရာအတော်များများမှာ ကိုယ့်နိုင်ငံထက်အများကြီးသာနေပြီဆိုတာ အထင်အရှားကြီးမြင်နေရတယ်။ 

.

စစ်ဒဏ်ကိုအလူးအလဲခံပြီး စုတ်ပြတ်သပ်ခဲ့တဲ့အနီးနားက နိုင်ငံတစ်ခုက မျက်စိရှေ့ နှစ်အနည်းငယ်အတွင်းမှာ ဘယ်လို ရုန်းထကြိုးစားသွားခဲ့တယ်ဆိုတဲ့ အရိပ်အရောင်တွေ အများကြီးမြင်ခဲ့ရတယ်။ စိတ်ဓါတ်အတော်ကျပြိးပြန်လာတာ။ ကိုယ့်ဆီက အမြင့်ကြီးကလူတွေ ..... မသေခင် ကိုယ့်နိုင်ငံကို ဒီလိုဆွဲတင်ပြီး နံမည်ကောင်းယူဖို့ သမိုင်းတွင်ကျန်ရစ်ဖို့ ဘာလို့များ စိတ်ကူးမရှိ ရည်ရွယ်ချက်မရှိကြပါလိမ့်။ အာဏာ ပါ၀ါ ချမ်းသာမှုဆိုတာ ကိုယ့်တစ်ကိုယ်အတွက်ဘယ်လောက်များ လိုအပ်ပါလိမ့်။ 

.

ကမ္ဘာမှာ ကိုယ့်အနီးအနားမှာ ဘာတွေဖြစ်နေတယ် ဘယ်လောက်ပြောင်းလဲတိုးတက်နေတာတွေကို မကြည့်ပဲ နွားခြေရာခွက်ထဲမှာပဲ ရွှေထီးဆောင်းပြီး ကိုယ့်ကိုယ်ကို အဟုတ်ကြီးထင်. အပေါ်က အောက်ကိုညာ အောက်ကအပေါ်ကိုညာ..ပြည်သူတွေကိုညာ ..ညာရင်းညာရင်း ကြာလာတော့ ကိုယ့်ဘာသာအမှန်လို့ထင်လာ .... 

ကိုင်း ကျွန်တော်တို့ ဘာလဲဘယ်လဲ ........

2 comments:

madyjune said...

Hanoi ကိုသြားတာကိုး...မဒီသြားခ်င္တဲ့ ႏိုင္ငံေတြထဲမွာ ဗီယက္နမ္လဲပါတယ္...အစားအေသာက္ေတြေကာ ေကာင္းေကာင္းစားခဲ့လား...မဒီကေတာ့ ဗီယက္နမ္အစားအစာေတြကို ႀကိဳက္တယ္ :)..seafood soup ကို အႀကိဳက္ဆံုးပဲ

Anonymous said...

Good day !.
You may , perhaps curious to know how one can make real money .
There is no initial capital needed You may commense to receive yields with as small sum of money as 20-100 dollars.

AimTrust is what you need
The company represents an offshore structure with advanced asset management technologies in production and delivery of pipes for oil and gas.

It is based in Panama with affiliates around the world.
Do you want to become an affluent person?
That`s your choice That`s what you really need!

I`m happy and lucky, I began to get income with the help of this company,
and I invite you to do the same. It`s all about how to choose a proper companion who uses your savings in a right way - that`s it!.
I earn US$2,000 per day, and what I started with was a funny sum of 500 bucks!
It`s easy to get involved , just click this link http://hecobydo.freehostyou.com/gapalo.html
and go! Let`s take our chance together to feel the smell of real money