EMBA အာစရိယပူဇော်ပွဲနှင့် မိတ်ဆုံစားပွဲကို နိုဝင်ဘာ ၁၆ရက် ညနေ ၆နာရီက စပြီး Sedona Hotel မှာ ကျင်းပခဲ့ပါတယ်။ လက်ရှိ ကျောင်းတက်ဆဲ 5th and 6th batch တို့က ဦးဆောင်ပြီးတော့ ရှိသမျှ အတန်းခြောက်တန်းလုံးက ကျောင်းသားတွေပါဝင်ကြပါတယ်။ နယ်ကို တာဝန်နဲ့ ပြောင်းရွှေ့သွားတဲ့ သူတွေကလွဲလို့ ဆရာဆရာမတွေလဲ စုံစုံလင်လင် တက်ရောက်ပေးကြပါတယ်။
ရှေးဦးစွာ ဆရာဆရာမတွေကို ထိုင်ကန်တော့ကြ၊ ပြီးတော့ ဆရာကြီး ဒေါက်တာခင်မောင်ကြွယ်၊ ဆရာမကြီး ဒေါ်ရီရီမြင့်၊ ဒုတိယပါမောက္ခချုပ်၊ ပြီးတော့ ဆရာမကြီးဒေါ်နုနုယဉ် တို့က ဆုံးမသြဝါဒ စကာေးပြာကြားကြပါတယ်။ ကျောင်းက စာသင်ခန်းထဲ ပြန်ရောက်ပြီး lecture ပြန်နားထောင် နေရတယ်ဆိုတဲ့ ခံစားချက်မျိုးပေါ်လားပြီး ကျောင်းတက်ခဲ့ချိန်တွေ ကို ပြန်သတိရမိပါတယ်။
ကျောင်းသားတွေကိုုယ်စား 2nd Batch က ကိုဝင်းဇင်ဦးနဲ့ 5th Batch ကတစ်ဦးတို့က ကျေးဇူးတင်စကား ပြောကြားကြပါတယ်။ ပြီးတော့ တပျော်တပါး ညစာစားကြ၊ သီချင်းတွေဆိုကြ၊ ဓါတ်ပုံတွေရိုက်ကြပေါ့။
ခြုံပြီးပြောရရင် ပျော်စရာပါ။ ကျောင်းပြီးသွားပြီ (paper တင်ဖို့တော့ကျန်သေးတယ်) ဆိုတော့ ကိုယ့်အလုပ် နဲ့ကိုယ် သူငယ်ချင်းတွေ မတွေ့ဖြစ်ကြတော့ဘူး။ ကိုယ့်နီးစပ်ရာ အလုပ်နဲ့ဆက်စပ်ရာ လူတွေပဲ တွေ့ဖြစ်ကြ တော့တာကိုး။ ဒီလိုပွဲမျိုးလေးတွေရှိမှပဲ သူငယ်ချင်းတွေတွေ့ကြရတာကိုး။
MBA တက်ရတဲ့အထဲမှာ စာသင်ရတာအပြင် ဒီလို လူတွေနဲ့ သိကျွမ်းရတာ အတွေ့အကြုံတွေ အတွေးအခေါ်တွေ စဉ်းစားပုံတွေ ဖလှယ်ရတာ ဆွေးနွေးငြင်းခုံ ကြရတာလဲ ကျွန်တော့်အတွက် တကယ့်ကိုကောင်းတဲ့ အကျိုးရှိတဲ့ experience တစ်ခုပါပဲ။
တစ်ခုပဲ နည်းနည်း ဘဝင်မကျတာလေးက ကိန်းကြီးခန်းကြီးနိုင်ပြီး ပကာသန ဆန်တာလေးတွေကိုပါပဲ။ ကွန်ပျူတာ တက္ကသိုလ်အတွက် အာစရိယပူဇော်ပွဲတွေကို ဦးဆောင်ကျင်းပတဲ့ ကျောင်းသားဟောင်းအဖွဲ့မှာလဲ ကျွန်တော်ပါပါတယ်။ အဲဒီတုန်းက တက္ကသိုလိ ဓမ္မာရုံမှာပဲကျင်းပခဲ့တာ နှစ်ကြိမ်ရှိသွားပြီ။ သပ်သပ်ရပ်ရပ်လေး နဲ့ ခမ်းခမ်းနားနားလေးပါပဲ။ ကန်တော့ပြီးတော့လဲ ဓမ္မာရုံထဲမှာပဲ ဆရာတွေရော ကျောင်းသားတွေရော စားပွဲဝိုင်းတွေခင်းပြီး နေ့လည်စာစားကြတာပေါ့။ ဘွဲရကျောင်းသား ဟောင်း တွေအားလုံး စုပြီးလုပ်ကြတာပေါ့။
အခု MBA မှာက တစ်ခုခုဆို Sedona, Traders ပေါ်ကကိုမဆင်းတော့ဘူး။ တစ်ချို့နေရာတွေမှာ လိုသည်ထက်ပိုပြီး ကိန်းကြီးခန်းကြီးနိုင်ကြသလိုပဲ။ ဒါလဲ MBA Culture တစ်ခုများလား မသိပါဘူးဗျာ။ ကျွန်တော်တို့ 4th Batch Year End dinner လုပ်တုန်းကလဲ အင်းယားလိပ်မှာ ညစာစားပွဲလုပ်ကြတယ်။ ၁၂သိန်းကျော်လောက်ကုန်သွားတာပေါ့။ အခု ဒီ EMBA အာစရိယပူဇော်ပွဲမှာလဲ ညစာအတွက် တစ်ဦးကို 15USD ပဲထားဦး လူသုံးရာကျော်တယ်။ ဒါပေမဲ့ အဲဒီအတွက်ကုန်ကျစရိတ်ကို 5th Batch က ကျောင်းသူတစ်ဦးက sponsor ပေးသွားတယ်လို့ သိရပါတယ်။ သာဓုပါဗျာ။ လှူနိုင်တန်းနိုင်ကြပါပေတယ်။
1 comment:
အမွန္ပါပဲ။ စီဒိုးနားမွ၊ အင္းလ်ားလိတ္မွလည္းမဟုတ္ပါဘူး။ အဓိကက ခ်ဲ႕ခ်င္ေနၾကတာပဲ။ ဆရာဆရာမေတြကပဲခ်ဲ႕ခ်င္ၾကသလား။ ေက်ာင္းသားထဲက ပါေလရာ..အီးစီ ေတြကပဲ ခ်ဲ႕ခ်င္ၾကတာလားပဲ။ ခက္တာက တက္ေနၾကတဲ့သူေတြထဲမွာ လုပ္ငန္းရွင္သူေဌးေတြ .. သူေဌးသားသမိးေတြ၊ လူၾကီးသားသမီးေတြ အတြက္ မေထာင္းတာေပမယ့္.. သည္ဘြဲ႕ကုိ လုိခ်င္လုိ႕လာတက္ေနၾကရတဲ့ အစိုးရ၀န္ထမ္းလခစားေတြနဲ႕ လစာသိပ္မေကာင္းၾကတဲ့ ျပည္တြင္း လုပ္ငန္း၀န္ထမ္းေတြ အဖုိ႕ ၀န္ထုတ္၀န္ဖုိးပဲ။ တက္ႏုိင္တဲ့သူေတြ ထည့္ၾက၊ မတတ္ႏုိင္တဲ့သူေတြ အဖုိ႕ ၀ိုင္းစိုက္ၾကမယ္ ဆုိဦးေတာ့... အမ်ားနည္းတူမဟုတ္ဘဲ.. မတက္ႏိုင္တဲ့သူမ်ား အျဖစ္ သတ္မွတ္ခြဲျခားျခင္း ခံလိုက္ရတာပဲ မို႕.. ဘယ္လိုမွ စိတ္ေကာင္းႏုိင္ေတာ့မွာ မဟုတ္ၾကပါဘူး။ အနည္းနဲ႕ အမ်ား သိမ္ငယ္စိတ္၀င္ၾကမွာေပါ့။
တစ္ေယာက္တည္း တာ၀န္ခံသြားတယ္ဆုိေတာ့.. ေတာ္ေတာ္ၾကီးကုိ ခ်မ္းသာႏိုင္တာပဲ။ ရက္ေရာတတ္တဲ့ေစတနာကိုေတာ့ ေလးစားရမွာပဲ။ ပိုက္ဆံရိွၿပီး တြန္႕တုိတတ္တဲ့လူေတြ နဲ႕စာ၇င္။
Post a Comment