Saturday, June 14, 2008

ဟော်လန်ရဲ့ လက်ခုပ်ထဲက ပြင်သစ်နဲ့ အီတလီ

















မနေ့ညက ပြင်သစ်တော့ ရှုံးတာမှ ခွက်ခွက်ကို လန်ရောပဲ။ ဒီလောက်ခြေစွမ်းလောက်နဲ့တော့ နောက်အဆင့် တွေ တက်ဖို့တောင် မထိုက်တန်ပါဘူး။ အုပ်စုမှာကျန်ခဲ့တာပဲကောင်းမယ်။ နည်းပြကြီးရဲ့ လူစားလဲပုံတွေကလည်း မထိရောက်သလိုပဲ ဂိုဗူးကို ထုတ်ပြီး ထည့်လိုက်တဲ့ ဂိုမစ်ကလည်း ဟိုယောင်ယောင် ဒီယောင်ယောင်နဲ့ သုံးစား လို့ကို မရဘူး။ ခြေကျလာတဲ့ မာလူဒါကို ထုတ်ပြီး ၀င်လာတဲ့ အနယ်လ်ကာကြီးလဲ သိပ် မစွံဘူး။ ဆစ်ညော်က တိုက်စစ်ကို အရမ်းတက်လိုက်တော့ counter ပြန်ပေါက်ရင် ဂိုးဆီကို တန်းနေတာပဲ။


အီတလီကလည်း ရူမေးနီးယား နောက်တန်းကို ကောင်းကောင်း မခြိမ်းချောက်နိုင်ခဲ့ဘူး။ ရူမေးနီးယား ဂိုးသမား ကလည်းအပိုင်အလုံး ၂လုံး ၃လုံးလောက်ကယ်သွားတယ်။ အီတလီကံကောင်းသွားပါတယ်။ မူတူးရဲ့ ပင်နာတီ မ၀င်လို့။ မဟုတ်ရင် ၂ပွဲရှုံး သုညအမှတ်နဲ့ ဖြစ်သွားမှာ။

လက်ရှိမှာတော့ တစ်ဦးချင်း စွမ်းရည်ရော အသင်းလိုက်ကစားပုံပါ ဟော်လန်က အကောင်းဆုံး ဖြစ်နေတယ်။ လက်ရှိ ၆မှတ်ရနေပြီဆိုတော့ နောက်ဆုံးပွဲ ရှုံးရင်တောင် အုပ်စုဗိုလ်ပဲ။ ဒါကြောင့် နောက်ဆုံးပွဲမှာ အဓိက ကစားသမား တွေကို အနားပေးပြီး အရန်တွေနဲ့ ပွဲထွက်လာနိုင်တယ်။ အဲဒီလိုဆိုရင် ရူမေးနီးယားက အနိုင်ကစားနိုင်ရင် ၅မှတ်နဲ့ အုပ်စု ဒုတိယရမှာ။ အဲဒီလိုဆိုရင်တော့ ပြင်သစ်နဲ့ အီတလီတို့ အိမ်ပြန်ကြရုံပေါ့။

ဟော်လန်က နောက်ဆုံးပွဲမှာ သရေကစားပေးရင် ပြင်သစ်နဲ့ အီတလီ တစ်သင်းသင်း နောက်တစ်ဆင့် တက်ဖို့ မျှော်လင့်နိုင်မယ်။ ဒါတောင် သူတို့နှစ်သင်း နောက်ဆုံးပွဲမှာ သရေကျသွားရင် ရူမေးနီးယား တက်သွားမယ်။

ဟော်လန်က ရူမေးနီးယားကို အနိုင်ကန်ခဲ့ရင် ... ပြင်သစ်နဲ့ အီတလီ နိုင်တဲ့သူ တက်မယ်။ ဒါပေမဲ့ သူတို့နှစ်သင်း သရေဆိုရင် ပြင်သစ်တက်သွားမယ်။

ကမ္ဘာ့ဖလား ချန်ပီယံနဲ့ ဒုတိယရတဲ့ အသင်းတွေဆိုပြီး ဒီလောက်ချာတူးလန်နေတာ အုပ်စုမှာ ကျန်ခဲ့တာပဲ ကောင်းမယ်။



1 comment:

အညာသား said...

ဟုတ်ပါ့ဗျာ။ အခြေအနေက “လက်ခုပ်ထဲက ရေ” လိုကို ဖြစ်နေပြီနော်။ 3-0 / 4-1 တဲ့။ စပါယ်ရှယ်ကို သွင်းပစ်လိုက်တာ။ Vanderser အတွက် အကောင်းဆုံးဂိုးသမားဆု ရဘို့ အခွင့်ကတော့ သာနေပြီထင်ပါ့။