Wednesday, June 4, 2008

No Euro2008 on Family TV5

ဒီမနက်ပိုင်းမှာ Family Entertainment က ကြေငြာတယ် (ESPN လိုင်းအောက်နားမှာ စာထိုးတာ တွေ့လိုက်တယ်) Euro 2008 ဘောလုံးပွဲတွေ မပြဖြစ်တော့လို့ ငွေသွင်းထားသော Customer များ ပြန်လည်ထုတ်ယူနိုင်ကြပါပြီတဲ့။

အဲဒီစာတမ်းကို ဖတ်ပြီး မနက်စောစောစီးစီး အီလည်လည်ကြီးဖြစ်သွားတယ်။ Euro ပွဲတွေကြည့်ချင်လို့ Family က Receiver နဲ့ Card ၀ယ်လိုက်တာ တစ်ပတ်လောက်ပဲရှိသေးတယ်။ တော်သေးတာက မနေ့ကပဲ သူငယ်ချင်းတစ်ယောက်ကလည်း Family ကစက်နဲ့ ကဒ် ၀ယ်ထားပေးပါတဲ့။ Family showroom က ကျွန်တော်ရုံးနဲ့ နီးတာကိုး။ သူလဲ Euro ပွဲတွေကြည့်ချင်လို့ ၀ယ်မှာ။ မနေ့ကသာ ဆုံးဖြတ်ပြီး ၀ယ်လိုက်မိရင် Euro မကြည့်ရပဲ စက်ပဲအဖတ်တင်နေဦးမယ်။ ဒုတ်ခ။ ကိုယ့်လိုပဲ Euroကြည့်ချင်လို့ အချိန်မီလေး စက်နဲ့ ကဒ် ၀ယ်လိုက်သူတွေလဲ နည်းမှာမဟုတ်ဘူး။ သူလို့တွေလဲ ကိုယ့်လိုပဲ အီလည်လည်ကြီးဖြစ်နေမှာပဲ။

အရင်မိဘအိမ်မှာနေတုန်းကတော့ ရှစ်ပေစလောင်းလေးတစ်ခုရှိတယ်။ အိမ်နှစ်ခါပြောင်းပြီးတော့ ဖြုတ်ထားတာ ပစ္စည်းတွေတောင်စုံသေးရဲ့လားမသိဘူး။ အဲဒါလေးပဲသွားပြန်ယူပြီး ဆင်လိုက်ရင်ကောင်းမလား စဉ်းစားနေမိတယ်။ နောက်တစ်ခုမျှော်လင့်ရတာက မြ၀တီ TVက ပြမလားဆိုတာပဲ။ ဘာပဲဖြစ်ဖြစ် တစ်ချို့ ပွဲတွေကိုတော့ မဖြစ်ဖြစ်အောင် အပြင်ထွက် ကြည့်ရတော့မှာပဲ။


No comments: