အမည် ထွန်းလင်းထွန်း

သားလေးကို ဒီနေ့ နံမည်ပေးတယ်။ ကျွန်တော့်ကို နံမည်ပေးခဲ့တဲ့ ပုဂ္ဂိုလ်ကပဲ သားလေးကို နံမည်ပေးတာပါ။ ၀ါခေါင်လပြည့်နေ့ မနက်မှာကတည်းက နံမည်ရနေပြီ။ စီစဉ်စရာလေးတွေလုပ်နေတာနဲ့ ဒီနေ့မှပေးဖြစ်တယ် ဆိုပါတော့။ နှစ်ဖက်အဖိုးအဖွား အားမဲ့ရက်ရယ် နယ်က သူ့အဒေါ်တစ်ယောက် ပြန်ရောက်မဲ့အချိန်ရယ် ပေးရမဲ့လက်ဆောင်တွေရယ် ဆွမ်းတော်ကပ်ဖို့ စသည်ဖြင့်ပေါ့။ သားရဲ့ဖွားဖွား (ယောက်ခမ)က မနေ့ညနေကတည်းက သူ့ရဲ့ လှည်းတန်းအိမ်ပြန်ပြီး ထောပတ်ပဲထမင်း ချက်တယ်။ ဒီမနက်စောစော သယ်လာတာပေါ့။ 

 

(၁၀)ဌာန (၈)ဌာန ကို သောက်တော်ရေနဲ့ ထောပတ် ဆွမ်း ကပ်တာပေါ့။ သားကို မနက်ခြောက်နာရီခွဲလောက်ကတည်းက နို့အဝတိုက် အီးပါ ရှူးပေါက်ပြီးတော့ ရေပတ်လေး တိုက်ပြီး ဝတ်ကောင်းစားလှလေးဝတ်ပေးထားတာပေါ့။ နှစ်ဖက်အဖိုးအဖွားစုံတဲ့အချိန်မှာ သားကို ဘုရားစင်ရှေ့မှာ သူ့ ဆွဲခြင်းပုခက်လေးထဲထည့်ပြီး နံမည်ပေးကြတယ်။ 

 

ပထမဆုံး အဖိုးက ကလေးရဲ့ ညာဖက်မှာ အဖွားက ကလေးရဲ့ ဘယ်ဖက်မှာ နေရာယူပါတယ်။ အဖိုးက ကလေးရဲ့ ညာဖက်လက်ထဲ ရွှေထည့်ပေးပြီး ထွန်းလင်းထွန်း .... ထွန်းလင်းထွန်း .... ထွန်းလင်းထွန်း လို့ သုံးခါခေါ်ပြီး ကင်ပွန်းတတ်ပါတယ်။ 

 

အဖွားက သားရဲ့ဘယ်ဖက်လက်ထဲငွေ (ငွေစက္ကူ + ငွေထည်ပစ္စည်း) ထည့်ပေးပြီး သုံးခါခေါ်ရပါတယ်။ နှစ်ဖက်အဖိုးအဖွား တစ်လှည့်စီပေါ့။ အသက်ကြီးတဲ့အဖိုး (ကျွန်တော့် အဖေ)ကစခေါ်ပေးရပါတယ်။ သားလေးက သူ့အဖိုးလက်ထဲထည့်ပေးတဲ့ ရွှေဒင်္ဂါးလေးကို လက်ကလေး နဲ့ဆုပ်ကိုင်ပြီး သူ့နံမည်ခေါ်နေတဲ့အချိန်မှာ ပြုံးပြုံလေးနေလို့... 

 

ပြီးတော့ ကလေးအဖေ(ကျွန်တော်)က ကလေးရဲ့ ညာဖက်လက်ထဲကို အဝတ်အစားထည့်ပေးပြီး နံမည်ကို သုံးခါခေါ်ပါတယ်။ ပြီးတော့သူ့အမေက ဘယ်ဖက်ကနေ ကလေးကို စားစရာ (နို့မှုန့်ဗူး)ပေးပြီး သုံးကြိမ် ခေါ်ပါတယ်။ ပြီတော့ ကျန်တဲ့ဆွေမျိုးတွေခေါ်ကြပေါ့။ သူတို့ခေါ်တဲ့အချိန်မှာတော့ နှစ်သက်ရာ လက်ဆောင် ပစ္စည်းလေးတွေကို ပေးပြီး ကလေးရဲ့ ညာလက်ကလေးကို ကိုင်ပြီး နံမည်ကို သုံးခါ ခေါ်ပေးရပါတယ်။ ပြီးတော့ တပျော်တပါး ထောပတ်ပဲထမင်းကို ဆိတ်သား ကြက်သားဟင်းတွေနဲ့ စားကြလေသတည်းပေါ့ဗျာ .... :D

Funny Revenge :D

Nikon D90 comes out

နေ့လည်က MS Sharepoint server installer ယူဖို့ မောင်လှရုံးရောက်လာရင်း သတင်းပေးသွားတယ်။ D90 ထွက်နေပြီတဲ့။ ကင်မရာလေး တစ်လုံးလောက်ဝယ်မယ်လို့ စိတ်ကူးနေတာကြာလှပေါ့။ လိုချင်တာကလဲ Nikon DSLR Series ထဲက တစ်ခုခုပေါ့။ ဝယ်မယ်ကြံလိုက် ဖွတ်ဂလိ ဒင်္ဂါးလေးတွေကို တွက်ဆလိုက်နဲ့ ဝယ်တဲ့ဆီကို မရောက်သေးပါဘူး။ 

 

အခုလဲ Nikon site ဝင်ပြီး D90 ပုံလေးတွေ Brochure တွေ download လုပ်ယူတာပေါ့။ :) 12.3 Migapixcel ဗျ။ ထူးခြားလာတာတစ်ခုက D-Movie Mode—Cinematic 24fps HD with sound ဆိုတဲ့ feature တစ်ခုပါလာတယ်။ Video ပါရိုက်လို့ရတယ်ပေါ့။ DSLR တွေမှာ အဲဒီ feature ပါလာတာ D90 က ပထမဆုံးပဲ။ Body only ကို USD 1000 ဗျ။ ကိုယ်မဝယ်နိုင်သေးလဲ သူငယ်ချင်းတစ်ယောက်ယောက်ကို ဝယ်ဖို့ မြှောက်ပေးလိုက်ဦးမယ်။ 

သားသား 26 Aug 08

မနေ့ညနေ သူအိပ်ယာက ထကာစ အချိန်လေးမှာ ရိုက်ထားတာ မှောင်နေတာရယ် လက်မငြိမ်တာရယ် သူလှုပ်နေလို့ ခပ်မြန်မြန်ရိုက်လိုက်ရတာရယ် Hand phone နဲ့ ရိုက်တာရယ်တို့ကြောင့် ပုံ quality တော့ သိပ်မကောင်းဘူး။ သားလေးကို ပုံကောင်းကောင်း လှလှလေးတွေ ရိုက်ပေးဖို့ မန္တလေးက ရုပ်ဆိုးဆိုး ဓါတ်ပုံဆရာတွေကို ခေါ်ရိုက်ခိုင်းရမယ် :P 

 

 

sexy Leryn Franco နင့်ကြောင့်ကိုး

မနေ့ကနဲ့ ဒီနေ့မှာ hit rate သိသိသာသာ တက်သွားတဲ့ အကြောင်းအရင်းကို တွေ့ပါပြီ။ Leryn Franco ဆိုတဲ့ Paraguay က javelin thrower အားကစားမယ်လေးကြောင့်ပါ။ အိုလံပစ်ပြိုင်ပွဲတစ်လျောက်မှာ ရုပ်ရည်ကြောင့် hot and sexy girl ဆိုပြီး နံမည်ကြီးနေတာပါ။ ကျွန်တော်က အားကစားနဲ့ပတ်သက်တဲ့ ကောင်မလေးပုံ လှလှလေးတွေ တွေ့ရင် (ဒေါ်ခင်ဦးမေ ရဲ့စကားနဲ့ဆိုရင်) တိုတတ်တယ်။ 

 တစ်နေ့က ဒီ Leryn Franco ရဲ့ ပုံလေးတစ်ပုံတင်ထား မိပါတယ် search engine တွေကနေ Leryn Francoq ဆိုတဲ့ key word နဲ့ ရောက်လာ ကြတာကိုး ... hit ၆၀၀ လောက်ရှိတယ်။ ဖြစ်မှဖြစ်ရလေ။ ဘာကြောင့် hit တက်လာလဲစဉ်းစားနေတာ ညီမငယ် Dawn ရဲ့ အကြံပေးမှုနဲ့ search engine ကလာတဲ့ key word တွေလိုက်ကြည့်မှ အဖြေတွေ့သွားတယ်။ ပုံမှန် hitကလည်း ဒီနှစ်ရက်မှာ တစ်ရက်ကို ၂ဝဝကျော်လောက် ဖြစ်သွားတော့ hit တွေတက်သွားတာပေါ့။ Nativemyamar က သူငယ်ချင်းတွေနဲ့ အခြား ပြည်ပက မိတ်ဆွေတွေ သားလေးရဲ့ ဓါတ်ပုံ ဝင်ကြည့်ကြတာဖြစ်မယ်။ ဒါနဲ့ internet ပေါ် လျှောက်ကြည့် ရင်း သဘောကျတဲ့ Leryn Franco ရဲ့ လှတပတ ပုံလေးနှစ်ပုံ ထပ်တိုလာတယ်။ :D

 

 

တိမ်လွှာနဂါး သူရဲကောင်းများ

သိုင်းကားဇာတ်လမ်းတွဲတစ်ခုရဲ့နံမည်ပါ။ Familiy TV5 ကနေ မြန်မာစာတမ်းထိုးနဲ့ သူတို့ရဲ့ 5Series လိုင်းမှာပြခဲ့တာပါ။ အခုနောက်တစ်ခေါက်ပြန်ပြနေတယ်။ မြဝတီ TV ကနေလည်း ပြဖူးတယ်။ FamilyTV5 မှာ ပြခဲ့တာကို ကူးပြီးရောင်းတဲ့ DVD ၆ချပ်တွဲလည်းရှိသေးတယ်။ ခိုးကူးပြီး ပြန်ရောင်းတာဆိုတော့ Quality သိပ်မကောင်းဘူး။ ဒီဇာတ်ကားက ထင်းလုံပပု (ဘာအဓိပ္ပါယ်လဲတော့မသိဘူး) ဆိုတဲ့ ဝတ္ထုကို ရုပ်ရှင် ရိုက်ထားတာပါ။

 

 ကျွန်တော်တို့ ငါးတန်း ခြောက်တန်းလောက်က မိုးကျော်သူ ဘာသာပြန်ထားတဲ့ စာစဉ်တွဲရှိတယ်။ အခုထိ နံမည်တွေတောင် မှတ်မိသေးတယ်။ အတိုင်းအဆမဲ့ဓါး၊ ရေလှိုင်းမာန်နဲ့ ခြေသိုင်းဟန် (၂အုပ်)၊ လူမိုက်ကြီးလေးယောက်(၂အုပ်)၊ အပူသိုင်းနဲ့ အအေးလှိုင်း (၂အုပ်တွဲအထူကြီး)၊ လွမ်းငွေ့ဝေဖြာသိုင်းကမ္ဘာ (၂အုပ်တွဲအထူကြီး) ...ဆိုပြီး စာအုပ် အနေနဲ့ က ခုနစ်အုပ်ပေါ့။

ဖတ်ဖူးခဲ့သမျှသိုင်းစာစဉ်တွေမှာ ကြိုက်တာတွေထဲကမှ ဒီတစ်တွဲကို အကြိုက်ဆုံးပဲ။ သာမန် သိုင်းဝတ္ထုတွေလို မိဘတွေ အသတ်ခံရ မင်းသားက ဆရာကြီးနဲ့တွေ့၊ ဒါမှမဟုတ် ချောက်ထဲကြပြီး နှစ်တစ်ထောင်အသီးစားလို့ သိုင်းကျမ်းကြီးကိုတွေ့ မိုးပျံအောင်တော်သွား .....လက်စားချေ .. ဆိုတဲ့ ပုံစံခွက်က အများကြီးကွဲထွက်နေတယ်။

ဇာတ်ကောင်တွေ အများကြီးပါဝင်ပြီး တစ်ဦးစီကိုလည်း အားသာချက် အားနည်းချက် ကိုယ်စီနဲ့ အချစ် အမုန်း အလွမ်း အဆွေး မာန ဒေါသ တို့ ရောယှက်လို့ စိတ်ဝင်စားဖွယ် ပြိုင်ဆိုင်မှုပေးပြီး ဇာတ်အိမ်ဆင်ထားတယ်။ သိုင်းလောကထဲ မမျှော်လင့်ပဲ ရောက်လာခဲ့တဲ့ တာလိပြည်က မင်းသာလေး တန့်ဥ၊ သူတောင်းစားဂိုဏ်းကို ဆက်ခံခွင့်ရခဲ့ပေမဲ့ နောက်ပိုင်းမှာ ခေတန်လူမျိုးဖြစ်နေလို့ ပြဿနာပေါင်းစုံကြုံရတဲ့ ချောင်ဖုန်း၊ ဘိုးဘေးတွေရဲ့ ပြိုကွဲခဲ့တဲ့ တိုင်းပြည်ကို ပြန်လည်ထူထောင်ဖို့အတွက် ဘယ်သူသေသေ ငတေမာရင် ပြီးရောဆိုပြီး ဘဝမှာ အရာအတော်များများကို စတေးခဲ့တဲ့ မုယုံ၊ သိုင်းမတတ်ပေမဲ့ သိုင်းပညာအားလုံးကို စာတွေ့တတ်နေတဲ့ မိန်းကလေး ဝမ်းယို့လန်၊ ဘုမသိဘမသိနဲ့ လျှို့ဝှက် ဂိုဏ်းချုပ်ဖြစ်လာလို့ ဘုရင့်သမီးတော်တစ်ဦးနဲ့ အကြောင်းပါခဲ့တဲ့ ရှောင်လင်ကိုရင်လေး၊ ဘဝမှာ အဆိုးတကာ့အဆိုးတွေသာ ကြုံရကာ အဆိပ်ပြီးတဲ့ အစွမ်းတွေရခဲ့ပေမဲ့ အာကျိဆိုတဲ့ မိန်းကလေးကြောင့် အကောင်းအဆိုးမမြင်နိုင်ခဲ့တဲ့ သံခေါင်းစွပ် ယုသန်းကြီး၊ ကောက်ကျစ်ပြီး လူတွေကို သုံးချတတ်တဲ့ ကောင်မလေး အာကျိ .....မြာပွေခဲ့တဲ့ တာလိနိုင်ငံရဲ့ဦးရီးတော် (တန့်ဥရဲ့ အဖေ)၊ လူမိုက်ကြီးလေးယောက် ...... စသည် စသည် ဖြင့် ဇာတ်ကောင်တွေ အများကြီးပဲ။

ဇာတ်လမ်း ဇာတ်ကွက်ကလည်း ဖတ်ရင်း လက်ကမချချင်အောင်ပဲ။ စာအုပ်အဟောင်းဆိုင်တွေရောက်တိုင်း ဒီသိုင်းစာစဉ်တွဲကို ဝယ်ချင်လို့ လိုက်ကြည့်နေတာ တစ်ခါမှ မတွေ့သေးဘူး။ အခု Family TV က ပြန်ပြတော့ မှီသလောက်လေး ပြန်လိုက်ကြည့်နေတယ်။ Copy ကောင်းတဲ့ DVDအတွဲ ဝယ်လို့ ရရင် ဘယ်လောက်ကောင်းမလဲ ...

what's wrong with my blog?

ကျွန်တော့်ရဲ့ ဘလော့ကို မနေ့ကနဲ့ ဒီနေ့မှာ hit rate တွေ အဆ မတန် တက်လာတာကို တွေ့ရပါတယ်။ အရင်က ပုံမှန် အများဆုံးမှ 100 ကျော်လောက်ပါပဲ။ ဒါပေမဲ့ ဒီ နှစ်ရက်မှာ ရှစ်ရာကျော်ဖြစ်ပြီး shinstat counter ကလည်း traffic များလို့တဲ့ ဆက် count မလုပ်ပေးတော့ဘူး။ ဒီနေ့အတွက် 863 မှာရပ်သွားပြီ။ tinycounter ကလည်း ခဏပျောက်သွားပါတယ်။ မနက် ရုံးရောက်ပြီး blog ကိုဖွင့်လိုက်တော့ free-onlineuse က 25 online လို့ပြနေတယ်။ oh my god! ဘာတွေများဖြစ်ကုန်လဲ။ 

 အခု ဒီ post ကိုရေးနေတုန်းမှာလဲ 11 online ရှိပါသတဲ့။ ဒါနဲ့ သုံးလက်စ tiny counter ကများမှားနေလားလို့ Site meter ကိုတင်ထားတော့လည်း hit တွေ ဆက်တက် နေတာကို တွေ့ပါတယ်။ Shinstat ရဲ့ history တွေအရ search engine တွေက visit တွေလာပါသတဲ့။ သူတို့ ဘာလာလုပ်တာလဲ? ကျွန်တော့် ဘလော့လေးကို attack လုပ်ချင်ကြလို့လား??? ဆရာသော်တာဆွေပြောသလို ဘိုဘိုးအောင် ဗိုလ်ချုပ်စျေးကိုလာပြီး ဘရာစီယာနှစ်ထယ် ဝယ်သွားတယ် ဆိုတာမျိုးလို အံ့ဘွယ်ဘနန်းသတင်းထူးပါတဲ့ ပို့စ်မျိုးလဲ မရေးမိပါဘူး။ ပြီးတော့ ကျွန်တော်က မချိုသင်းတို့ မနိုင်းနိုင်းစနေတို့လိုလဲ စာရေးကောင်းသူမဟုတ်။ ရောက်တတ်ရာရာလေးတွေကို လျှောက်ရေးနေတဲ့သူလေ :D ဘယ်လိုကြောင့်များဖြစ်နိုင်ပါသလဲ .... နားလည်တတ်ကျွမ်း အတွေ့အကြုံရှိသူများ comment ပေးတော်မူကြပါခင်ဗျား

ကျော်ခိုင်၊ tennis နဲ့ တစ်ခါကပင်းယ

မနေ့က GTalk မှာ ကျော်ခိုင်နဲ့ US Opening Tennis ပွဲတွေစတော့မဲ့အကြောင်း ပြောဖြစ်တယ်။ သူက tennis ဆိုရင် အရူးအမူး။ ကိုယ်တိုင်လည်း ဟုတ်တိပတ်တိ ကစားတတ်သလို ကစားသမားတွေအကြောင်း၊ ပြိုင်ပွဲတွေ အကြောင်းလဲ အတော်နှံစပ်တယ်။ ထားတော့။ Tennis နဲ့ပတ်သက်ပြီး ဒီအကြောင်းကို ရေးမယ်ရေးမယ်နဲ့ အခုမှပဲရေးဖြစ်တော့တယ်။ 

ကျော်ခိုင်က ခပ်ငယ်ငယ် မိတ္ထီလာမှာ နေကတည်းက tennis ကစားလာခဲ့တာ။ ကွန်ပျူတာ တက္ကသိုလ်တက်ဖို့ ရန်ကုန်ရောက်လာတော့ ရန်ကုန်တက္ကသိုလ်ပင်မ အဓိပတိလမ်းပေါ်က ပင်းယဆောင်မှာ နေရတယ်။ ပထမနှစ်ကုန်ခါနီးလောက်ကစပြီး ကျွန်တော်တို့တစ်သိုက် အတော်လေးကို ရင်းနှီး နေကြပြီ။ ကျွန်တော်ဆိုရင် အဆောင်မှာသွားသွားနေတာ စာသင်နှစ် တစ်ခုလုံးနီးပါးပဲ။ အဆောင်မှူးကတောင် သူ့အဆောင် ကျောင်းသားမှတ်နေတာ။

ဒုတိယနှစ်လောက်မှာထင်တယ်။ ကျောင်းပိတ်ရက်တစ်ရက်မှာ အဆောင်မှာအိပ်ကြရင်း မနက် အိပ်ယာထကြတော့ မောင်ကျော်ခိုင်တစ်ယောက် Sport Shirt တွေ ဘောင်းဘီတွေနဲ့ ဘိနပ်ကလည်း အသင့်စီးပြီး လက်ထဲမှာလည်း tennis racquet ကြီးကိုင်လို့။ tennis ရိုက်ချင်လွန်းတဲ့ ပိုးတွေတရွရွ ဖြစ်နေပုံ ရတယ်။ မစားရက်မသောက်ရက်ပိုက်ဆံလေးတွေနဲ့ ဝယ်ထားတဲ့ ဘောလုံးဘူးအသစ်ကြီးကလည်းအသင့်။ ကျွန်တော်နဲ့ မျိုးမင်းကို အတင်းမဲဆွယ်ပါရော။ သူ့ကို အဖော်လုပ်ပြီး tennis လိုက်ရိုက်ပေးဖို့။ တက္ကသိုလ်ကွင်း ကလည်း မနီးမဝေးဆိုတော့ အိုကေပေါ့။

ကျွန်တော်တို့နှစ်ယောက်က အဝတ်အစားသူ့လောက် စမတ် ဘယ်ကျနိုင်မလဲ။ ရှိတဲ့ အင်္ကျီီဘောင်းဘီလေးနဲ့။ ဘိနပ်ဆိုလဲ ညနေဖက် ခြင်းခတ်တဲ့ ဘိနပ်လေးကိုယ်စီ စီးလို့ပေါ့။ ဒါနဲ့ သုံးယောက်သား တင်းနစ်ကွင်းကို ချီတက်သွားကြပါလေရော။ လိုက်တာသွားတာ ကျွန်တော်ရော မျိုးမင်းပါ တင်းနစ်နဲ့ပတ်သက်လို့ တင်းနစ်ဘောလုံးကို ငယ်ငယ်က နို့ဆီခွက်ထောင်ပြီး ပစ်တမ်း ကစားတာက လွဲလို့ လုံးဝကို အဆက်အစပ် မရှိကြဘူးလေ။ ဒါနဲ့ အပိုပါတဲ့ Raquet ကို မျိုးမင်း ပေးပြီး သူက Serving စလုပ်ပါလေရော။ မျိုးမင်းကလည်း တင်းနစ်သာ မရိုက်တတ်တာ။ ပိုက်ကျော်ခြင်းသမားပဲ။ ဖျတ်လတ်တာပေါ့။ ပိုက်ကိုကျော်ပြီး သူ့ဖက်ရောက်လာတဲ့ဘောလုံးကို အားရပါးရ Raquet နဲ့ ရိုက်လိုက်တာ ဘုန်း...ဆိုတဲ့အသံကြားပြီး ဘောလုံးက လမ်းမကိုကျော်လို့ ဘောလုံး ကွင်းဖက် အမြင့်ကြီးမြောက်တက်လို့ ...

အင်း ဘောလုံးအသစ်လေး ပျောက်လေသတည်းပေါ့။ နောက်တစ်လုံး .... ကံအားလျော်စွာ Raquet နဲ့လွဲလို့ နောက်ဖက်နားမှာကျ ...နောက်တစ်လုံး .... မျိုးမင်းပြန်ရိုက်လိုက်တာ သစ်ပင်ကိုင်းပေါ်တင်သွား ...။ ထွန်းခိုင်ရာ မင်းတစ်လှည့်စမ်းကြည့်ပါဦးကွာဆိုလို့ တစ်လှည့် ဝင်ရိုက်ကြည့် တော့လည်း ထိုနည်းလည်းကောင်းပဲ။ သိပ်တော့ ဟန်မကျသေးဘူး။

ဒါနဲ့ မောင်ကျော်ခိုင်လည်း အကြံတစ်မျိုး ပြောင်းပြီး အုတ်နံရံကြီးနား ကျွန်တော်တို့နှစ်ယောက်ကို ခေါ်သွားလို့ ..နံရံကို တစ်ချက်ရိုက် ပြန်အလာမှာ ကွင်းမှာတစ်ချက်တောက် ပြန်ရိုက်.... ဆိုပြီးလုပ်ခိုင်းပြန်ရော။ ဘယ်လာရလိမ့်မတုန်း။ ဒီမနက်မှ Raquet ကိုင်ဖူးတာကို။ နံရံကို ကျော်ထွက်သွားလိုက် .... သူကပြေးကောက်ပေးလိုက်။ အတော်နေမြင့်လာတော့ သူလဲ ချွေးတစ်လုံးလုံးနဲ့ သင်ရလွန်းလို့ အာတွေခြောက် ... ကျွန်တော်တို့နှစ်ယောက်ကလည်း စိတ်တွေညစ် ..... ဇာတ်လမ်းကို ချုပ်လိုက်ရင် ဘောလုံးအသစ်လေး သုံးလုံးလောက်ပျောက်ပြီး အတော်နေမြင့်လာချိန်မှာ ပင်းယဆောင်သို့ အောင်မြင်စွာ တပ်ဆုပ်ကြလေသတည်းပေါ့ .... တစ်ချိန်တုန်းကပေါ့ :D

စက္ကူလှေ

တနေ့ပြီးတနေ့ စမ်းချောင်းထဲမှာ စက္ကူလှေကလေးတွေကို ကျွန်တော်မျှောချနေတယ်။ ကျွန်တော့်နံမယ်နဲ့ ကျွန်တော့် ရွာအမည်ကိုလဲ လှေတွေပေါ်မှာ ရေးထဲ့လိုက်တယ်။ တခြားရွာက လူတွေတွေ့ရင်တော့ ကျွန်တော့်ကို ဘသူလဲလို့ သိကြမှာပဲ ထင်ပါရဲ့။

ဆိတ်ဖလူးပန်းတွေကို လှေတွေထဲမှာ ကျွန်တော်ထည့်လိုက်တယ်။ ညကျရင် အဲဒီအာရုဏ်ချိန်ပန်းတွေဟာ တနေရာရာမှာ ချောချောမောမော တင်ကောင်းပါရဲ့။

စက္ကူလှေကလေးကို မျှောရင်း မိုးပေါ်ကို မော်ကြည့်လိုက်တော့ မိုးတိမ်ကလေးတွေ လွင့်နေတာကို ကျွန်တော် မြင်ရတယ်။ သူတို့ဟာ ကျွန်တော့်လှေတွေနဲ့ ပန်းပြိုင်မလို့ ထွက်လာကြသလား မသိဘူး။

ညကျတော့ နဖူးပေါ်လက်တင်ပြီး ကျွန်တော်တွေးတယ်။ "သန်းခေါင်ကြယ်တွေ အောက်မှာ လှေကလေးတွေ ရွက်လွှင့်နေမှာပဲ" လို့။ လှေတွေထဲမှာတော့ အိပ်မွေ့ နတ်သမီးကလေးတွေဟာ အိပ်မက် တောင်းကြီးတွေ တင်ပြီး ရွက်တလွှင့်လွှင့်နဲပေါ့။

တဂိုး (ပြန်ဆိုသူ-မင်းသုဝဏ်)

စပယ္ဦး

ကေလးဘ၀တုန္းက
ပထမဆံုး ခူးခဲ့ေသာ စပယ္ဦးတို႔ကို
သတိရေနပါေသးသည္။

ကြ်န္ေတာ္သည္
ေနျခည္ကိုလည္း ခ်စ္ခဲ့ဖူးပါျပီ။
ေကာင္းကင္ကိုလည္း ခင္ခဲ့ဖူးပါျပီ။
ေျမၾကီးကိုလည္း မက္ခဲ့ဖူးပါျပီ။
သန္းေခါင္ခ်ိန္စီးဆင္းေသာ
ျမစ္ေရသံ လြမ္းခ်င္းကိုလည္း
ၾကာခဲ့ဖူးပါျပီ။
မိုးကုန္စ ေန၀င္ခ်ိန္
တိမ္ေတာက္သည္ကိုလည္း
ျမင္ခဲ့ဖူးပါျပီ။

သို႔ေသာ္လည္း ကေလးဘ၀တုန္းက
ပထမဆံုး ခူးခဲ့ေသာ စပယ္ဦးတို႔ကိုကား
သတိရဆဲပင္ျဖစ္ပါ၏။

ကြ်န္ေတာ့္ဘ၀တြင္
အမ်ိဳးမ်ိဳး ေပ်ာ္ခဲ့ဖူးပါျပီ။
ပြဲေတာ္ညမ်ားတြင္
ပြဲသြားမ်ားႏွင့္ေရာ၍
ရယ္ေမာခဲ့ဖူးပါျပီ။
မိုးေစြေသာ နံနက္ခင္းတို႔တြင္
ညည္းခ်င္းကို ဆိုခဲ့ဖူးပါျပီ။
ခ်စ္သူလက္ျဖင့္ သီကံုးေသာ
ခေရကံုးတို႔ကို ဆြဲဆင္ခဲ့ဖူးပါျပီ။

သို႔ေသာ္ ကေလးဘ၀တုန္းက
ပထမဆံုး ခူးခဲ့ေသာ စပယ္ဦးတို႔ကိုကား
သတိရဆဲျဖစ္ပါ၏။

တဂိုး (ျပန္ဆိုသူ မင္းသု၀ဏ္)

Fulham 1-0 Arsenal

Fabregas မကစားနိုင်ချိန်မှာ ကွင်းလယ်ကနေ အသင်းကို မောင်းနှင်မဲ့၊ တိုက်စစ်လမ်းကြောင်းတွေကို တွက်ဆပြီး ဘောလုံးဖြန့်ဝေပေးမဲ့ အလယ်တန်းလူတစ်ယောက် မရှိဘူးဆိုတာ ဒီပွဲမှာအရမ်း သိသာလွန်းတယ်။ အလယ်တန်း ကွင်းလယ် အဖျက်ကစားခဲ့တဲ့ Flamini ရဲ့ ခြေစွမ်းကို ဘယ်လိုမှ အစားမထိုးနိုင်သေးဘူးဆိုတာ လည်း ထင်ရှားစေတယ်။

Denilson ကလည်း ဟိုယောင်ယောင် ဒီယောာင်ယောင် နဲ့ တစ်ဖက်က အလယ်တန်းတွေရဲ့ ခြေစွမ်းထက်ရင် ယှဉ်ပြီး လိုက်မကစားနိုင်တော့ဘူး။ သူ့ဆီက ဘောလုံးအရမ်း အပျက် များတယ်။ Eboue ရော Denilson ပါတိုက်စစ် ဖက်ကို လိုက်ပါဖို့ ပဲ စိတ်အားသန်နေတယ်။ အလယ်တန်းက တော့ တကယ့်ကို ကလေးကလားဖြစ်နေတယ်။ ( Denilson က ကလေး၊ Eboue က ကုလားပေါ့ :D )

အလယ်တန်းမှာ Ramsay ကို စမ်းပြီး သုံးကြည့်သင့်တယ် ထင်တာပဲ။ WilShere ကို ဘယ်တောင်ပံမှာကစားခိုင်းပြီး Nasri ကို ကွင်းလယ်ဖန်တီးရှင်နေရာကို သုံးကြည့်သင့်တယ်။

Alexsender Song ကတော့ နောက်တန်းဗဟို နေရာမှာ ကောင်းကောင်းကစားနိုင်ကြောင်း သက်သေပြသွားတယ်။ ညာဖက်မှာ Segnaက ကောင်းပေမဲ့ Walcott ကတော်တော် ခြေပျက်နေတယ်။ သူ့ဖက်က သိသာလောက်အောင် မထိုးဖောက်နိုင်ဘူး။ သူ့ကို ထုတ်ပြီး Bendtner ဝင်လာတော့ လဲ သိပ်ထူးမခြားနားပဲ။

ဘယ်ခြမ်းက Clichy နဲ့ Nasri တို့ overlapping လုပ်ပြီး တိုက်စစ်ဆင်တာ ကောင်းပေမဲ့ တစ်ဖက်ဂိုး ဧရိယာနား ရောက်ရင် အလယ်တန်းတွေရဲ့ ပံ့ပိုးမှု အားနည်းလို့ ပျက်ပျက်သွားရတယ်။ Van Persi လည်း အခွင့်အရေးတွေကို အတော်များများ ဖြုန်းတီး ပစ်ခဲ့တယ်။ Adebayer နဲ့ တွဲဖက်ညီမဲ့ တိုက်စစ်မှုးကောင်းတစ်ယောက်လိုနေတယ်။ ဒီနေ့က Van Parsi ရော Bendtner ပါ သူ့ကို ကောင်းကောင်း ထောက့်ပံမပေးနိုင်ခဲ့ဘူး။
Denilson နဲ့ Walcott တို့ရဲ့ခြေစွမ်းက လူစားလဲ ခဏသုံးအဆင့်လောက်ပဲရှိသေးတယ်။ ပထမ ၁၁ယောက်အနေနဲ့ ပွဲထွက်ကစားဖို့ အဆင့်မရှိဘူး။ပေးလိုက်ရတဲ့ ဂိုးကလည်း ထောင့်ကန်ဘောက တစ်ဆင့် ကိုယ့်နောက်တန်းနဲ့ အလယ်တန်းလူ (Denilson) ဘေးကနေ အလွတ်ကြီးသွင်းသွားတာ။ ခြုံပြီးပြောရရင် အသင်းရဲ့ Synergy efferct မရဘူး။ အပေးအယူအချိတ်အဆက်အားနည်းပြီး တစ်ချက်ထိ အမြန်ကစား ဆိုတဲ့ အာဆင်နယ်ရဲ့ ရသ လုံးဝ ပျောက်နေခဲ့တာ။ ဒီပုံအတိုင်း ခရီးဆက်ရင်တော့ အာကြီး သိပ်မလွယ်လှဘူး။

 

သားသား 20 Aug 08

ယတြာချေကြဦးမလား

မနေ့ညက ယောက်ခမနဲ့ စကားစမြီပြောရင်း သူပြန်ပြောပြတဲ့ ရီစရာလေးတစ်ခုပါ။ ရီစရာဆိုပေမဲ့ တကယ် ဖြစ်ခဲ့တာ။ ဖြစ်ခဲ့တာတော့ ကြာပါပြီ။ တစ်ရံရောအခါက ဆိုပါတော့ .... သူ့အသိမိတ်ဆွေတစ်ယောက်ရဲ့ သမီး အမျိုးသမီးငယ်လေးတစ်ယောက် ဗေဒင်သွားမေးတော့ ဗေဒင်ဆရာက ကံဇာတာညံ့နေတယ်တဲ့။ အဖမ်းအဆီး ခံရကိန်း မြင်သတဲ့။ အဲဒီအဆိုးတွေ ပျောက်အောင် ယတြာလေး ချေလိုက်ပါလို့ ခိုင်းလိုက်တယ်။ လုပ်ရမှာက စံပယ် ခုနစ်ကုံး နှင်းဆီကိုးပွင့်ကို (ဘယ်နေ့ဘယ်ရက်မှာ....) ရွှေမော်ဓေါ ဘုရားမှာလှူပါ .... စသည် ဖြင့် ပေါ့။

အဲဒီနေ့ မနက်စောစောမှာ ကောင်မလေးက ပဲခူးစျေးမှာ ပန်းသွားဝယ်ပါသတဲ့။ ပန်းသည်က အဆစ် ပေးလိုက်တော့ စံပယ်က ဆယ်ကုံး နှင်းဆီက ဆယ်ပွင့်ရလာ တယ်တဲ့။ ရွှေမော်ဓေါ ဘုရားကို စက်ဘီးနဲ့အသွား လမ်းမှာ စိတ်ကူးပေါက်တာနဲ့ အမှတ်(၃)ကျောင်း ရှေ့နားက Democracy ကျောက်တိုင်နား အရောက်မှာ ပိုနေတဲ့ စံပယ်သုံးကုံးနဲ့ နှင်းဆီတစ်ပွင့်ကို ဝင်ချခဲ့ပါသတဲ့။ Democracy ကျောက်တိုင်ဆိုတာ အဲဒီနားမှာ ကျောင်းသားတွေသေခဲ့လို့ တရားမဝင်လုပ်ထားတဲ့ သတ်မှတ်ထားတဲ့ အထိန်းအမှတ် ကျောက်တိုင်လေး ဆိုပါတော့။ ရန်ကုန်မှာ တံတားဖြူ မှတ်တိုင်ကို တံတားနီလို့ပြောင်းခေါ်တာမျိုး လို နေမှာပေါ့။

အဲ ... ဇာတ်လမ်းကို ဆက်ရရင် အဲဒီကောင်မလေးဟာ ယတြာချေဖို့ ရွှေမော်ဓေါဘုရားကိုတောင် မရောက်လိုက် ရှာပါဘူး။ Democracy ကျောင်တိုင်မှာ ပိုတဲ့ပန်းလေးတွင် ဝင်ချပြီး ခရီးဆက်မလို့ ဟန်ပြင်တုန်းမှာတင် အဖမ်းခံလိုက်ရပါသတဲ။ ခွိခွိ ယတြာသွားချေမဲ့ ကျွန်တော့် မိတ်ဆွေအပေါင်းအသင်း အမကြီး ညီမလေးများ သတိလေးထားကြပေါ့ .... :D

Lovely Leryn Franco

Argentina 3 - 0 Brazil Olympic semi-final

ကမ္ဘာ့ဖလားကို ငါးထပ်ကွမ်းရထားတဲ့ ဘောလုံးဘိုးအေကြီး ဘရာဇီးအသင်းရဲ့ ခွက်ခွက်လန် ရှုံးပွဲပါ။ မရဖူး သေးတဲ့ အိုလံပစ် ရွှေတံဆိပ်လေးကို ဒီနှစ်မှာ ရယူမယ်ဆိုတဲ့ အိမ်မက်လေးလဲ တစ်စစီ ကျိုးပဲ့ကြွေလို့ အေးချမ်းမေ ဖြစ်သွားရပါပြီ။ ရှုံးမဲ မဲပြီး လူချကစားသလို ဖြစ်ကာ ကစားသမား နှစ်ယောက် တိုက်ရိုက် အနီကဒ် ပြခံရတာတော့ အတော့်ကို ရုပ်ဆိုးလှပါတယ်။

ပွဲစကတည်းက အာဂျင်တီးနားက ခြေသာပါတယ်။ ရေကွယ်မီး ဦဆောင်တဲ့ ကွင်းလယ်နဲ့ မက်ဆီ ပါတဲ့ တိုက်စစ်ကို ဘရာဇီးတို့ အလူးအလဲကစားခဲ့ရတာပါ။ ရိုနယ်ဒင်ဟို တစ်ယောက်လဲ သတိပြုမိလောက်တဲ့ ခြေစွမ်းမျိုး မပြနိုင်ခဲ့ပါဘူး။ မန်နေဂျာ ဇစ်ကိုအတွက်လဲ မျက်နှာပန်းမလှတဲ့ ပွဲတစ်ခုပေါ့။
MRTV4 ရဲ့ကျေးဇူးနဲ့ တိုက်ရိုက်ကြည့်လိုက်ရပါတယ်။ ကျွန်တော်ကတော့ Argentian Crazy ဆိုတော့ အတော့်ကို ဝမ်းသာနေပါတယ်။ Nigera နဲ့ကစားရမဲ့ Final ပွဲကလည်း အကျိတ်အနယ် ကြည့်ကောင်းမဲ့ ပွဲတစ်ပွဲ ဖြစ်လာဦးမှာပါ။

သားသား 13 Aug 08

တနဂၤေႏြေန႔က သားသားကို ပထမဆံုး ေရခ်ိဳး ေပးတယ္။ ေခါင္းလဲေလွ်ာ္တာေပါ့။ ပထမ ေရနဲ႔ ထိေတာ့ ေအာ္ပါေလေရာ။ ေနာက္မွ တေျဖးေျဖး သေဘာက်သြားပံုရတယ္။ ဆပ္ျပာတိုက္ေပးတာ၊ ေခါင္းကို Shampoo နဲ႔ ဖြဖြေလး ေလွ်ာ္ေပးတာတို႔ကို ျငိမ္ျငိမ္ေလးခံေနတယ္။ ေရခ်ိဳးျပီးေတာ့ ေႏြးေႏြး ေထြးေထြးျဖစ္ေအာင္ ဘၾကီး ေဇာ္မိုး ရဲ႔ အႏွီးေစာင္ အျပာေရာင္လွလွေလးနဲ႔ သူ႔ကို ထုတ္ထားေပးလိုက္တယ္။

ဒီတစ္ရက္ႏွစ္ရက္မွာ မိတ္ေပါက္တာလား အပူလား ေတာ့မသိ အနီေရာင္ အကြက္ကြက္ေတြ အမ်ားၾကီး ျဖစ္ေနလို႔ baby lotion ေလးပဲလိမ္းေပးထားတယ္။ ကေလးအထူးကုေပးလုိက္တဲ့ Grovit အားေဆး တိုက္လို႔ အပူကန္တာမ်ားလားလို႔ ကေလးအေမက ယူဆေနတယ္။ ဒါနဲ႔ မေန႔ကစျပီး အားေဆးတိုက္တာ ခဏရပ္ထား လိုက္တယ္။

အစားေသာက္အတြက္ေတာ့မပူရဘူး။ အရမ္းကို အစားပုတ္တဲ့ေကာင္ေလး။ မေအႏို႔ကို အၾကာၾကီး ဆြဲျပီး စို႔သလို ႏို႔ဗူးဆိုလဲ 60ml ကို သံုးခါေလာက္ ကူရတယ္။ ဒီေန႔ပဲ Citymart ဖက္ၾကံဳလို႔ သူ႔ႏို႔မႈန္႔ တစ္ဗူး ထပ္ျပီး ၀ယ္လာတယ္။ Mamex Gold ဗူးၾကီး ကို ႏွစ္ေသာင္းရွစ္ေထာင္ ငါးရာေပးရတယ္။ တစ္လေလာက္ေတာ့ ေသာက္ရမယ္ ထင္တာပဲ။

ၾကီးေတာ္ခင္ဦးေမက ကေလးထိန္းရတာသိျပီလားဆိုလို႔ .... ေလ့လာထားသေလာက္ေပါ့ ကြ်န္ေတာ့္သားက ဗိုက္ဆာရင္ မရပ္မနားကို အာေခါင္ျခစ္ျပီး ငိုပါတယ္။ အီးပါ ရွဴးေပါက္ထားရင္ ငိုပါတယ္။ အိုက္လာရင္ (အိမ္က တစ္ခ်ိဳ႔အခ်ိန္ဆို နည္းနည္းပူတယ္) ေအာ္ပါတယ္။ အိပ္ယာႏိုးလာရင္ ခ်ီထားေစခ်င္လို႔ ငိုပါတယ္။ အ၀တ္အစား လဲေပးထဲအခ်ိန္ ကိုယ္တံုးလံုးေလးျဖစ္သြားရင္ ငိုပါတယ္။ လွဲျပီးအိပ္ရက္ခ်ီထားရာကေန သူ႔ကို မတ္မတ္ ေလးထားေစခ်င္ရင္ ငိုပါတယ္။ (အင္းေပါ့ သူ႔အေနနဲ႔ feedback ျပန္ေပးစရာဆိုလို႔ ငိုျပရံုပဲ ရွိတာကိုး )

Arsenal 1- 0 West Bromwich

Arsenal အသင္းဟာ ကံေကာင္းစြာနဲ႔ ပြဲဦးထြက္မွာ တန္းတက္အသင္းေလး West Bromwich နဲ႔ ကစားရပါတယ္။ ဂိုးသမား Almunia, ေနာက္တန္း ဗဟိုမွာ Gallas, Djourou ဘယ္ဖက္မွာ Clichy, ညာဖက္မွာ Sagna ၊ အလယ္တန္း ညာေတာင္ပံ Walcott, ဘယ္ေတာင္ပံမွာ Nasri နဲ႔ ကြင္းလယ္မွာ ထူးျခားစြာ Eboue ကို Denilson ကို တြဲေပး ထားပါတယ္။ တိုက္စစ္အတြဲကေတာ့ Adebayor နဲ႔ Bendtnerတို႔ပါ။

Clichy, Denilson တို႔ရဲ႔ ဖန္တီးမႈကေန Nasri က ပြဲစျပီး ေလးမိနစ္မွာတင္ အဖြင့္ဂိုးစသြင္းပါတယ္။ တန္းတက္အသင္းေလးနဲ႔ ကစားရေပမဲ့ Arsenal ရဲ႔ကစားကြက္ကို စိတ္တိုင္းမက်ပါဘူး။ Walcott ဒီေန႔ ေျခမေပၚဘူး။ အလယ္တန္းက Fabregas မပါေတာ့ တိုက္စစ္ဖန္တီးမႈနဲ႔ ေဘာလံုး ျဖန္႔ေ၀မႈေတြ အားနည္းသလိုပဲ။ Adebayor ကြင္းလယ္ေလာက္အထိ ေဘာလံုးဆင္းယူရပါတယ္။ ကြင္းလယ္ အဖ်က္ကစားအား အရမ္းနည္းပါတယ္။ အသင္းငယ္ေလးမို႔ ေတာ္ေသးတယ္။ ဒါေတာင္ Gallas နဲ႔ DJourou နားလည္မႈတစ္ခ်က္လြဲျပီး ဂိုးေပးရမလို ျဖစ္သြားပါေသးတယ္။

ဒုတိယပိုင္းမွာ Walcott ကို ထုတ္ျပီး Toure ကို ထည့္သြင္းပါတယ္။ အဲဒီအခ်ိန္မွာ Eboue က ကစားေနက် ညာေတာင္ပံကို ထြက္ကစားျပီး Toure က ကြင္းလယ္ဗဟိုကေန ကစားေပးပါတယ္။ ဒီ အခင္းအက်င္းလဲ မဆိုးဘူးပဲ။ Bendtener ကို Van Persi ကို ထည့္ျပီး တိုက္စစ္အားကို ျမွင့္ဖို႔ ၾကိဳးစားပါတယ္။ ဒါေပမဲ့ တစ္ဖက္အသင္းက ကြင္းတစ္၀က္ေလာက္ ပိတ္ဆို႔ကစားလို႔ ဂိုးထပ္မရခဲ့ပါဘူး။ ဂိုးသြင္းခြင့္ေတြ သံုးေလးၾကိမ္ ေလာက္ထပ္ရပါေသးတယ္။

ေနာက္တန္း ဗဟိုမွာ DJourou ကို သံုးတာ သေဘာမေတြ႔ပါဘူး။ Senderos ကိုလည္း သိပ္အားမရဘူး။ သူတို႔ နွစ္ေယာက္နဲ႔စာရင္ Olympic ပြဲသြားကစားေနတဲ့ Song က ပိုေကာင္းသလိုပဲ။ Fabrigas မကစားႏိုင္ခ်ိ္န္မွာ လူငယ္ေလး Wilshere ကို ဘယ္ေတာင္ပံ ကစားခိုင္းျပီး Nasri ကို ကြင္းလယ္ဗဟိုမွာ ကစားကြက္ဖန္တီးသူအျဖစ္ ကစားခိုင္းရင္ ဘယ္လိုေနမလဲမသိဘူး။ Denilson ကလည္း အသင္းကို ေမာင္းႏွင္ကစားရေလာက္ေအာင္ ေျခစြမ္းမထက္ဘူး။ ဒီေန႔မွာ Ramsay ကို မသံုးေသးပါဘူး။

ဘာပဲ ျဖစ္ျဖစ္ ပြဲဦးထြက္ႏိုင္ျပီး 3မွတ္ရလို္က္ပါေသးတယ္။

သားသား (၁၀)ရက်သား

ကြာသပတေးနေ့က ဗဟိုအမျိုးသမီး ဆေးရုံမှာ သားသားကို BCG ဆေးသွားထိုး ဖြစ်ပါတယ်။ UN အထောက်အပံ့ တွေနဲ့ အပ်ကအစ အလကား ပေးထားတဲ့ ဆေးထိုးတာကို ငွေသုံးထောင် တောင်းလိုက်လို့တဲ့ မိန်းမကတော့ သိပ်မကျေမနပ်နဲ့ ပြန်လာပါတယ်။ :D ဆေးအရှိန် ကြောင့် ထင်တယ် ကလေးက နောက်နေ့မှာ ကိုယ်လေး ငွေ့ငွေ့နွေးနေပြီး မအီမသာ ဖြစ်နေရှာတယ်။

သောကြာနေ့မှာ အာရှတော်ဝင်မှာ ကလေး အထူးကုကို သွားပြပါတယ်။ ချက် ကြွေရင် တစ်ခေါက် လာပြဆိုလို့ပါ။ ကိုယ်လဲနည်းနည်း ပူချင်နေတယ်လေ။ ဆရာဝန်မက ဆေးတွေ ပေးလိုက်တယ်။ တော်တော်လေး သက်သာ လာပါပြီ။ အံ့သြစရာက မွေးတုန်းက ခုနစ်ပေါင် ရှစ်အောင်စရှိတာ ဆေးခန်းပြတဲ့နေ့က ခုနစ်ပေါင်ပဲ ရှိိတော့တယ်။ ကလေးအမေက ပြူးတူး ပျာတာ နဲ့ပေါ့။

ဆရာဝန်မက ဒီလိုပဲ ကိုယ်ရည် စစ်သွားပါတယ် တဲ့ နောက် ပေါင်ချိန်ပြန်တက် လာပါလိမ့်မယ်တဲ့။ ဒီမနက်ပဲ MICT Park ထဲရောက်လို့ လူကြုံနဲ့ စင်္ကာပူက ဦးဦးဒေါ်ဒေါ်များက သားသား အတွက် ပေးလိုက်တဲ့ အဝတ်အစားလေးတွေ ရတယ်။ လှလိုက်တာ။ နည်းနည်းလေးတော့ ကြီးနေသေးတော့ ဝတ်ပေးဖို့ စောင့်ရဦးမယ်။ ကလေးတော့မသိဘူး လူကြီးတောင် အတော်လေး သဘောကျသွားတယ်။ :D (ပုံလေးတွေက phone handset နဲ့ပဲ ရိုက်ထားတာ ဆိုတော့ သိပ်တော့ မကောင်းဘူး။)

၀ါခေါင်ကန်တော့ပွဲ (ရန်ကင်းအိမ်)

နှစ်စဉ် ၀ါခေါင်လကို ရောက်ရင် ကျွန်တော်တို့ မိတ်သင်္ဂဟတစ်စုတို့ရဲ့အိမ်တွေမှာ ဒီလို ၀ါခေါင်ကန်တော့ပွဲလေး လုပ်တာ ကျွန်တော့်တစ်သက်နီးပါးလောက်ရှိပါပြီ။ ဂိုဏ်း ဂဏတွေ နတ်တင်တာမျိုးတွေမဟုတ်ပါဘူး။ (၁၀)ဌာန ပုဂ္ဂိုလ်တွေကို ပန်း၊ ရေချမ်း၊ဆီမီး၊ဆွမ်းတို့နဲ့ ကပ်လှူတယ်။

(ဂ)ဌာန ပုဂ္ဂိုလ်တွေကို ပန်း၊ ရေချမ်း၊ဆီမီး၊ဆွမ်း .. သူတို့ကိုယ်တိုင် ဘုရားကို ကပ်လှူဖို့ ပင့်ဖိတ်ပြီး လှူပေးတယ်။ ပန်းဆိုတာ အရဟံအောင်လံစိုက်ထားတဲ့ အောင်သပြေပန်းတွေပါ။ ပြီးတော့ (၈)ဌာန ပုဂ္ဂိုလ်တွေကို ရေချမ်း၊ဆွမ်း ကော်ဖီအချိုရည် စသည်ဖြင့် လှူပေးတယ်။

၀ါခေါင်လဆန်း ၁၂ရက်ညနေဖက်မှာ (၈)ဌာန ပုဂ္ဂိုလ်တွေကို လက်ဖက်ပွဲ သောက်တော်ရေနဲ့ ပင့်ပါတယ်။ လဆန်း ၁၃။ ၁၄ နဲ့ လပြည့် သုံးရက်တိုင်တိုင် အာရုံဆွမ်းကပ်ပါတယ်။ သားသတ်လွတ်ပါ။ ထောပတ်ထမင်း၊ အုန်းထမင်း၊ သစ်သီး ဒန်ပေါက်.. စတာတွေလှူနိုင်ပြီး သစ်သီးများလဲထည့်နိုင်ပါတယ်။

မိသားစုဝင်အားလုံး သားသတ်လွတ်စားရပါတယ်။ အရဟံကိုပွားများကြရပါတယ်။ မေတ္တာပို့ရပါတယ်။ အိမ်ထောင်ဦးစီးများ လပြည့်နေ့မှာ ဥပုတ်စောင့်ရပါတယ်။ ဆောင်ရွက်ပုံအသေးစိတ်ကို အားတဲ့အချိန်ရေးပြီး မှတ်တမ်းအဖြစ် တင်ထားပါဦးမယ်။

၀ါေခါင္ကန္ေတာ့ပြဲ 2008

(၈)ဌာန

ခုနက ပြောခဲ့တဲ့ (၁၀)ဌာနက ၉ နဲ့ ၁၀ ကို နောက်တစ်ဆင့် အသေးစိတ်လိုက်တဲ့သဘောပါ။ ဆယ်ဌာနလိုတော့ နေ့စဉ်အိမ်မှာအမြဲလှူတန်းဆက်ကပ်ဖို့ထက် ခါကြီးရက်ကြီး၊ မွေးနေ့၊ မင်္ဂလာရက်၊ အိမ်တက် စတဲ့အချိန်တွေမှာ ပင့်ဖိတ်လှူတန်းတာများပါတယ်။

လှူတန်းပုံနှစ်မျိုးရှိပါတယ်။
- ယင်းပုဂ္ဂိုလ်များ မြတ်စွာဘုရားရှင် ကိုယ်တော်မြတ်ကြီးအား ကိုယ်တိုင်ကိုယ်ကျ ကပ်လှူနိုင်ရင် လှူတန်း ပေးခြင်း။ (သူတို့ စားသုံးရန် လှူတန်းခြင်းမျိုးမဟုတ်။ သူတို့က ဘုရားကို လှူရန် ပေးလှူခြင်းဖြစ်ပါတယ်။)

- ယင်းပုဂ္ဂိုလ်များကို တိုက်ရိုက် ဧည့်ခံလှူတန်းခြင်း
 

ရှစ်ဌာနပုဂ္ဂိုလ်များ
(၁) အလုံးစုံသော ရဟန်းဝိဇ္ဇာထိုရ် ဆရာတော်အပေါင်း (ဥပမာ ဘားမဲ့၊ ယက္ကန်းစင်တောင်၊ ရှင်မထီး ...)
(၂) အလုံးစုံသော နတ်ဝိဇ္ဇာထိုရ် ဆရာတော်အပေါင်း
(၃) အလုံးစုံသော လူဝိဇ္ဇာထိုရ် ဆရာတော်အပေါင်း (ဥမာ ဘိုးဘိုးအောင်၊ ဘိုးမင်းခေါင်....)
(၄) ၀ိဇ္ဇာဇော်ဂျီ ဆရာတော်အပေါင်း
(၅) ဘိုးတော်သကြားမင်းနှင့် သာသနာစောင့် နတ်မင်းအပေါင်း
(၆) သူရဿရီမယ်တော်ကြီးနှင့် ဒေဝီမယ်တော်အပေါင်း
(၇) ရုက္ခစိုး၊ ဘုမ္မာစိုး၊ အာကာသစိုး နတ်မင်းအပေါင်း
(၈) စင်္ကြာဝဠာ အနန္တရှိ ဗုဒ္ဓဘာသာဝင် နတ်မင်းအပေါင်း 

 

 

(၁၀)ဌာန

ကျွန်တော်တို့မိသားစုအပြင် နီးစပ်ရာ ဓမ္မမိတ်ဆွေတစ်စုရဲ့ အိမ်မှာထားတဲ့ (၁၀)ဌာန အကြောင်းလေး ပြောပါမယ်။ မြတ်စွာဘုရားနှင့်တကွ ပစ္စေကဗုဒ္ဓါအပေါင်း ရဟန္တာအပေါင်းတို့ကို ပူဇော်လှူတန်း နည်းလေး တစ်ခုပါ။ ပထမဆုံး (၁၀)ဌာနမှာ ဘာတွေပါလဲပြောပါမယ်။
(၁) မြတ်စွာဘုရား
(၂) အလုံးစုံသော ပစ္စေက ဗုဒ္ဓါအပေါင်း
(၃) ရဟန္တာ မထေရ်မြတ်အပေါင်း
(၄) အရှင်သာရိပုတ္တရာ (လက်ယာတော်ရံ ပညာအရာ အကြီးမြတ်ဆုံး)
(၅) အရှင်မဟာမောဂ္ဂလန် (လက်ဝဲတော်ရံ တန်ခိုးအရာ အကြီးမြတ်ဆုံး)
(၆) အရှင် ဗာကုလ (ကျန်းမာရေးအရာအတွင် အမြတ်ဆုံး)
(၇) အရှင်သီဝလီ (လာလ်လာဘ ပေါများရာတွင် အမြတ်ဆုံး)
(၈) အရှင်ဥပ္ပဂုတ္တ (ဘေးရန်အန္တရယ်အပေါင်းကို နှိမ်နှင်းပယ်ရှားပေးနိုင်ခြင်း)
(၉) အလုံးစုံသော ၀ိဇ္ဇာဇော်ဂျီ ဆရာတော်အပေါင်း - အတွက် မြတ်စွာဘုရားအား ကပ်လှူပေးခြင်း
(၁၀) စင်္ကြာဝဠာ အနန္တရှိ ဗုဒ္ဓဘာသာဝင်နတ်မင်းအပေါင်း -အတွက် မြတ်စွာဘုရားအား ကပ်လှူပေးခြင်း

သောက်ရေဆို ဆယ်ခွက်၊ ဆွမ်းဆယ်ပန်းကန်၊ ပန်းဆယ်ပွင့်၊ မျက်နှာသုတ်ပုဝါဆယ်ထည်၊ ဖယောင်းတိုင် ဆယ်တိုင်၊ အမွှေးတိုင် ဆယ်တိုင် စသည်ဖြင့် လှူတန်းနိုင်ပါတယ်။ ကျွန်တော်တို့ အိမ်က ဘုရားစင်မှာဆို သောက်တော်ရေခွက် (၁၀)ခွက်ရှိပါတယ်။ ခုနက ပြောတဲ့ (၁၀)ဌာနကို လှူထားတာပါ။ ဘုရား၊ ပစ္စေကဗုဒ္ဓါ နဲ့ ရဟန္တာကြီးတွေကို အိမ်မှာ အမြဲပင့်ထားပြီး လိုအပ်သမျှ လှူတန်းတယ် ဆိုတဲ့ သဘောမျိုးပါ။

အိမ်မှာ အမေဆိုရင် မနက်အစောကြီး မျက်နှာသစ်တော်ရေနဲ့ မျက်နှာသုတ်ပဝါလေးတွေ ကပ်ပါတယ်။ ပြီးမှ ဆွမ်းနဲ့ သောက်တော်ရေကပ်ပါတယ်။ ညဖက် မှာ သောက်တော်ရေကပ်ပါတယ်။ လပြည့်လိုနေ့တွေဆို အအေးကပ်ပါတယ်။ ဘုရားစင်မှာထားဖို့ အစီအစဉ်ကတော့ - ၁၊ ၉၊ ၁၀၊ ၂  ..... ၃ ၄ ၅ ၆ ၇ ၈ ၉ ဆိုပြီး နှစ်တန်း တန်းထားနိုင်ပါတယ်။ ပထမအတန်းက ကိုယ်က ဘုရားလှူတာရယ်၊ ဆရာတော်တွေ နတ်တွေအတွက် ဘုရားလှူပေးတာရယ်၊ ပစ္စေကဗုဒ္ဓါအပေါင်းရယ် ပါ.။ ဒုတိယအတန်းကတော့ ရဟန္တာတွေပေါ့။

အထက်ပါအစီအစဉ်အတိုင်း သောက်တော်ရေခွက်များကို တစ်တန်းတည်းလဲထားနိုင်ပါတယ်။ အကြောင်းကြောင်း အခက်အခဲတွေကြောင့် ဆယ်ခွက်မလုပ်နိုင်ရင်လဲ ၁။ ၉။ ၁၀။ ၃ ဆိုပြီး ငါးခုပဲလည်း လှူတန်းနိုင်ပါတယ်။ ၃ ကိုလှူတန်းချိန်မှာ ရဟန္တာအားလုံးကို စိတ်ထဲက မှန်းပြီးလှူပေါ့။

ထပ်ချုံ့ ချင်ရင်တော့ ၁။ ၂။ ၃ ပေါ့ .... ဘုရား၊ ပစ္စေကဗုဒ္ဓါ နဲ့ ရဟန္တာတွေကို လှူတယ်ပေါ့။ လှူတာက တရားပေါ့။ ဒါဆို ဘုရား၊တရား၊ သံဃာ ဆိုတဲ့ ရတနာသုံးပါး ပြည့်စုံသွားတာပေါ့။ ပြီးတော့မှ ၀ိဇ္ဖာဆရာတော်တွေ နတ်တွေကို ကိုယ့်အလှူ အတွက် အမျှအတန်းပေးဝေပေါ့။ တစ်ချို့အိမ်တွေမှာ ရေသုံးခွက်တော့ လှူထားပါရဲ့ ဘုရား၊ တရား၊ သံဃာတဲ့ ... တရားဆိုတာက ဘယ်လို ရေသောက် မယ်ဆိုတာ တွေးလို့မရဘူး :D

သားသား အိမ်ရောက်ပြီ

ဒီမနက် ၉နာရီကျော်လောက် ဆေးရုံကဆင်းဖြစ်တယ်။ အိမ်ရောက်တော့ အထုပ်အပိုးတွေ ပစ္စည်းတွေနဲ့ ရှုပ်ပွ ပြီး ဝုန်းဒိုင်းကို ကြဲနေတာပဲ။ အဓိကတော့ ကလေးနေသာအောင် နေရာချရတာပေါ့။ တော်သေးလို့ Nurse ဆရာမလေး ကို အိမ်ခေါ်လာလို့။ ကိုယ်တွေက အိမ်ရှင်း နေရာချ ပစ္စည်းတွေသိမ်းနေချိန် ကလေးကို ဆရာမလေးက ကြည့်ပေးထာရတာပေါ့။

သားသား ပစ္စည်းတွေ လက်ဆောင်တွေကို မနည်းဘူး။ နောက်ရက်တွေကြရင် night nurse ဆရာမလေးကို တစ်ပါတ်လောက် ဆက်ပြီး ခေါ်ထားတယ်။ အိမ်မှာ အထာ မကျခင် သားသား သက်တောင့်သက်သာနဲ့ နေသာထိုင်သာ ရှိအောင်ပေါ့။ လိုတဲ့ အသုံးအဆောင်လေးတွေ ထွက်ဝယ်ရဦးမယ်။ သားကို သောကြာနေ့မှ ကလေးဆေးရုံခေါ်သွားပြီး BCG ထိုးရင်း ကလေးအထူးကုနဲ့ ထပ်ပြရမယ်။

ကလေးအမေကတော့ ချုပ်ရိုးပလတ်စတာခွာပြီး လာမဲ့ တနင်္ဂနွေမှာ OG ကို သွားထပ်ပြရမယ်။ လောလောဆယ်တော့ အိမ်မှာ ယောက်ခမ လာနေပေးမယ်။ တောက်တိုမယ်ရ ခိုင်းဖို့ ကောင်မလေး တစ်ယောက်လဲ ခေါ်ထားတယ်လေ။ ဖြေးဖြေးတော့ သားလေး အိမ်မှာ အသားကျသွားမှာပါ။

သူ့အထုပ်နဲ့သူလာ

လူကြီးတွေကပြောကြတယ် သူ့အထုပ်နဲ့ သူလာတယ်တဲ့။ ကလေးတွေရဲ့ ရှေးကံ ဒါနကုသိုလ် ပါခဲ့တာကို ပြောချင်ဟန်တူတယ်။ အခုသားလေးဆိုလဲ သင့်တင့်တဲ့ ဆေးရုံမှာ ဆရာဝန် သမားတော်တွေအစုံအလင်နဲ့ မွေးရတယ်။ နေရတဲ့ အခန်းကလဲ အကျယ်ရတယ်။ သူ့ကို မွေးဖို့ ကုန်ကျမဲ့ ပိုက်ဆံတွေလည်း သူမွေးလာတဲ့ အချိန်မှာ ကျွန်တော့်မှာ ပေးစရာအသင့်ရှိနေတယ်။ နှစ်ဖက်အမျိုးရဲ့ ပထမဆုံး သားယောက်ျား မြေးလေး။

ဆွေမျိုး မိတ်သင်္ဂဟတွေ ပေးကြတဲ့ လက်ဆောင် တွေကလည်း ပုံလို့ အင်္ကျီ အဝတ်အစားတွေ၊ စောင်၊ အိပ်ယာ၊ခေါင်းအုံး၊ ပေါင်ဒါဘူးတွေ၊ ဆပ်ပြာ နို့ဗူး .. စုံလို့စုံလို့ပါပဲ။ ဆိုင်ဖွင့်လို့တောင် ရနေပြီ။ ရောက်လာဦးမဲ့ လက်ဆောင်တွေလည်း ရှိသေးတယ်။ အိမ်မှာလည်း သူ့အတွက် ဝယ်ထားတဲ့ ပုခက်တို့ အဝတ်အစားတွေကလည်း ရှိသေးတယ်။ ရုပ်ရည်လေးကလည်း ချစ်စရာလေး။ စောင့်ပေးကြတဲ့ Nurse လေးတွေကတောင် ချစ်ကြတယ်။

ဘဝမှာ အဖွင့်ကောင်းတဲ့ ဒီကလေးကို အလိုလိုက်လွန်ပြီး Spoil ဖြစ်မသွားအောင်တော့ သတိထားပြီး သွန်သင်ရဦးမယ်။ ပစားပေးလွန်းလျှင်လဲမကောင်း။ ဘယ်ဟာက ကောင်းသည် မကောင်းသည် ၊ မပြောသင့် မလုပ်သင့် ဆိုတာကို message မရတော့။ သူလုပ်သမျှ လူကြီးများက အားပေးနေတယ် မှတ်သွားတတ်သည်။

အခုတင် မျက်စိရှေ့မှာ ဒါမျိုးမြင်နေရတာ။ အဘိုးအဖွား မိဘတွေကတော့ ကိုယ့်ရင်သွေးဆိုတဲ့ မျက်စိနဲ့ ကြည့်တော့ အပြစ်မမြင်ကြ။ ဒါပေမဲ့ အပြင်လူ တစ်ယောက်အမြင်မှာတော့ သွန်သင်ဆုံးမ သင့်တဲ့ အနေအထားကို ရောက်နေတာမျိုးတွေ။ စိတ်အနှောင့်အယှက်ဖြစ်ရတာမျိုးတွေ။ ကိုယ့်စိတ်နဲ့ဆို နှစ်ခါသုံးခါလောက် ရိုက်ပြီးပြီ။ ဒါတောင် မနေနိုင်လို့ ငေါက်မိသေးတယ်။ နောက်မှ ... အော် ငါက ငါညီမက မွေးထားတာလဲမဟုတ်။ ကိုယ်က သူ့မိဘမှမဟုတ်တာဆိုပြီး စိတ်ထိန်းရတယ်။ ကိုယ့်သားကိုတော့ သူများက အဲဒီလို စိတ်အနှောက်အယှက် ဖြစ်လောက်သည် အထိ စောက်မှန်းကမ်းမှန်း မသိတာမျိုး မဖြစ်စေရ။

ဒေါင့်မကျိုးတဲ့ သောက်တလွဲကောင်လေး ဖြစ်မလာစေရ။ ဒါက ကလေးရဲ့အပြစ်မဟုတ် ... ဆုံးမသင့်တဲ့ အခြေအနေမျိုးမှာ ဆုံးမသင့်တဲ့ပုံစံနဲ့ မဆုံးမ ခဲ့ခြင်းကြောင့်သာ။ လူတိုင်းတော့ ကိုယ့်ရင်သွေး ကိုယ်ချစ်ကြသည်သာ။ ဒါပေမဲ့ ကိုယ်က ဆုံးမဖို့ တာဝန်မကျေခဲ့လို့ လူမပီသတဲ့ လူတစ်ယောက် လူလောကထဲ ရောက်သွားရင် အပြစ်ဘယ်လောက်များ ကြီးလိုက်မလဲ ...

ကလေးကို ငွေကြေးတွေ စည်းစိမ်တွေ ပုံပေးတာထက်စာရင် စိတ်ဓါတ်ကောင်းအောင် ဆင်ခြင်တုံ တရားရှိအောင် ဆင်းရဲသည်ဖြစ်စေ ချမ်းသာသည်ဖြစ်စေ လောကဓံတရားတွေကို ကြံ့ကြံ့ခံနိုင်အောင် လောကကြီးမှာ လူပီပီသသ နေတတ်အောင် အများကြီး လုပ်ပေးချင်ပါသေးတယ်။ (ကိုယ်ငယ်ငယ်က ကိုယ့်မိဘ ဘယ်လို သွန်သင်ခဲ့တာတွေ ရေးပါဦးမယ်။) အင်း... ဖြေးဖြေးချင်းပေါ့ ... အခုမှ ရက်သားပဲရှိသေးတာ။

မီးချောင်းတွေအောက်မှာ

မနေ့နေ့လည်က ကလေး အထူးကု ဆရာဝန် လာကြည့်ပြီး အသားနည်းနည်း ၀ါနေလို့မီးပြရမယ်တဲ့။ ဒါနဲ့ ညနေ ၄နာရီလောက်မှာစပြဖြစ်တယ်။ ကိုယ့်အခန်း ထဲမှာပဲ။ ကိုယ် တုံးလုံး ချွတ်ပြီး မျက်စိအကာလေး စီးပြီး မီးချောင်းတွေ အောက် ထည့်ထား ရတာပေါ့။ ကျေးဇူးရှင်လေးက ကြိုက်တော်မမူ ဘူးဗျ။



တောက်လျောက်ကို အော်ငို တော့တာပဲ။ ကလေးအမေကလဲ သူ့သားလေး ငိုနေတော့ မျက်ရည်လေး တစမ်းစမ်းနဲ့ပေါ့။ ဒါတောင် နို့ဝအောင် တိုက်ပြီးမှ မီးချောင်းအောက် ကိုထည့်တာ။ဒီကောင်လေးက အတော့်ကို အစားကြီးသည်။ အထိုက်အလျောက် ထွက်နေတဲ့ အမေနို့ကို စို့တဲ့အပြင် နို့မှုန့်ဗူး ဖျော်တိုက် တာလဲ တစ်ခါသောက်ရင် 30cc ကုန်တယ်။

၂နာရီကို တစ်ခါလောက် ဆာလို့ အော်တယ်။ ဆာတိုင်း အမေနို့စို့ပြီးရင် နို့မှုန့်နဲ့ဖျော်ထားတာ မတိုက်မချင်း ဝက်ဝက်ကွဲအောင် အော်ငိုပါလေရော။ ဒါတောင် နို့ဗူးနဲ့ မတိုက်သေးဘူး။ ဇွန်းသေးသေးနဲ့ ခပ်တိုက်တာ။ မနေ့ညကလည်း မီးချောင်းတွေအောက်မှာ အော်ငိုလိုက် မောရင်အိပ်သွားလိုက် နို့သောက်လိုက်နဲ့။ လူကြီးတွေ လဲ မအိပ်ရ။ ဒီနေ့ညနေ ၄နာရီအထိ ထားရမှာ။ မနေ့ညက OG အန်တီလာကြည့်တော့ အမေကတော့ ဒီညနေ ချုပ်ရိုးဖြေပြီးရင် ဆင်းလို့ရပြီတဲ့။ ဒါပေမဲ့ ဒီညနေ ကလေးဆရာဝန်က ဘာပြောဦးမလဲဆိုတာ စောင့်ကြည့် ရဦးမှာပေါ့။

၃ရက္သား သားသား

သားသားလေးမွေးပြီ

သားသားမွေးပြီ။ 6 August 2008, နံနက် 5:37AM ပါ။ ဗုဒ္ဓဟူး သားလေးပေါ့။ ရွှေဂုံတိုင် အထူးကု ဆေးခန်း SSC မှာမွေးတာပါ။

အစောပိုင်းက ရိုးရိုးမွေးဖို့ ဆေးရုံတက် လိုက်တာ။ ဒါပေမဲ့ အဲဒီ ညပိုင်းမှာ OGက စမ်းသပ် လိုက်တော့ ချက်ကြိုးက ကလေးရဲ့ အရှေ့က ပိတ်နေတယ် ဆိုးလား ... (သိပ် နားမလည်ဘူး) ခွဲမွေး လိုက်ပါတဲ့။

ဒါနဲ့ နောက်တစ်နေ့ မနက် (၅)နာရီမှာခွဲဖို့ စီစဉ်လိုက်တယ်။ တကယ်မွေးလာတော့ ၅နာရီ ၃ရမိနစ်မှပါ။ ကလေးက ရပေါင် ၈အောင်စရှိပါတယ်။ မွေးလာတုန်းက မျက်နှာမှာ မျက်နှာဖုံးစွပ်လေးနဲ့တဲ့။ မွေးလာပြီးတော့ သူနာပြု ဆရာမလေးက ခွဲခန်းအဝကို လာပြတော့ အနှီးလေးနဲ့ထုတ်ပြီး စောင်လေးပတ်လို့။

မျက်လုံလေးနှစ်ဖက်က မှိတ်ရက်သားလေးမှ မျက်ရည်စလေးတွေနဲ့။ မွေးပြီးတော့ ငိုထားပုံရတယ်။ အမေရော ကလေးပါ ကျန်းကျန်းမာမာပါပဲ။ မနေ့ကခွဲခန်းထွက်ခါစကတော့ မိန်းမက downနေတာ ညနေပိုင်းလောက်ကစပြီး တစ်စ တစ်စ သက်သာလာပါတယ်။ မနေ့ကစပြီးတော့ မိခင်နို့တိုက်ဖို့ ကြိုးစား ပေးတယ်။ နို့သိပ်မထွက်သေးပေမဲ့ နို့ဦးရည် လေး သောက်ရအောင်ပေါ့။ ဒီမနက် ကစပြီး သားလေးက အမေ့နို့ စို့တတ်သွားပြီ။ နို့ရည်လည်း ပိုထွက်လာပြီ။ ဒီမနက်ကတည်းက အမေ့ဘေး သိပ်ထား ရတယ်။ သူ့ကို ထားတဲ့ ခြင်းလေး ထဲမှာ ထားရင် ခဏနေရင် အော်အော်နေလို့။ :D

Wilshere got No. 19 Shirt

မနှစ်က ဘောလုံးရာသီမှာ Arsenal လူငယ်အသင်းမှာ ခြေစွမ်းပြခဲ့ပြီး Emirate Cup ပြိုင်ပွဲ ပွဲစဉ်နှစ်ခုလုံးမှာ ဘယ်တောင်ပံနေရာကနေ ပရိသတ်အများ သတိပြုမိသည်အထိ ခြေစွမ်းပြခဲ့တဲ့ လူငယ်လေး Jack Welshere ကို ဒီနှစ်ဘောလုံးရာသီအတွက် First Team ကို ခေါ်ယူလိုက်ပါပြီ။ Giberto Silver ရဲ့ No. 19 ကို ဝတ်ဆင်ကစားမှာ ဖြစ်ပါတယ်။ အခုအချိန်မှာ သူဟာ အသက်၁၆နှစ်ကျော်ပဲရှိပါသေးတယ်။ သူ့့ရဲ့ အသက်(၁၇)နှစ်မွေးနေ့ ပြီးရင် Arsenal က Professional Contract ချုပ်ဆိုမှာဖြစ်ပါတယ်။

 

လက်နက်ကောင်း

တိမ်စစ်သည်တို့ကို စုရုံး၍ မရသော မိုးနတ်သားသည် ခြိမ်းခြောက် ဟိန်းဟောက်သံကိုသာ ပေးနေရတော့၏။ လေနတ်မောင်၏ ရယ်မောသံကား မခံချိ မခံသာ ဖြစ်စရာပင်။ ကောင်းကင်တစ်ခုလုံးတွင် လေနတ်မောင်၏ ခြေရာလက်ရာ မြူမှုန် ဗရပ္ပသာ တွေ့ရ၏။

မိုးနတ်သားသည် ဤ မြူမှုန်ညစ်ပြာတို့ကို စင်စစ် ဆေးကြောချင်လှ၏။ သို့ရာတွင် သူ့တပ်သားတို့ကား ဖရိုဖရဲ ပြိုကွဲလလျက် ရှိခြေပြီ။ ရံဖန်ရံခါ ဟိုတစ်စ သည်တစ်စ တိမ်ဖြူလွလွတို့ကို ဆင့်ခေါ်ခဲ့ပါ၏။ လူ့လောကကို အေးမြစေလိုသော စေတနာ မွေး၍ မိုးသေး မိုးဖွဲ မိုးကျဲကျဲကို ရွာချနိုင်ပါ၏။ သို့သော် လေနတ်မောင်က ခြေထိုးလိုက်သည်နှင့် တစ်ပြိုင်နက် ကစဉ့်ကလျား ပြေးလွှားကုန်ကြတော့၏။

သွေးလေချောက်ချား တပ်ပျက်ကုန်ကြတော့၏။ မိုးနတ်သားသည် မခံမရပ်နိုင် ဖြစ်၏။ လေနတ်မောင် အဖျက်ဒဏ်ကို မည်သို့ ကြံ့ကြံ့ခံရမည်ကို စနစ်တကျ စီမံ၏။ တိမ်စစ်သည်တို့အား မည်သို့ နားချရမည်ကို စဉ်းစား၏။ လောကတစ်ခွင် လေနတ်မောင် အဖျက်သမားသာ အစိုးမိုးခံရလျှင် သစ်ပင်ပန်းမန် လူတိရိစ္ဆာန်တို့ ခိုုကိုးရာ မဲ့ချေတော့အံဟူသော မိုးနတ်သား၏ စေတနာသည် တိုက်ပွဲအောင်မည့် အကောင်းဆုံးလက်နက် ဖြစ်ပေ လိမ့်မည်။ 

 

ပိတောက်မှသရဖီသို့ (တင်မိုး)

အလှပြူတင်းပေါက်

ခတ္တာပွင့်ကလေးကို မည်သူပန်သနည်း။ ညနေရီတွင် ချစ်သူသည် ခတ္တာပွင့်ကလေးကို ပန်ဆင်လာခဲ့၏။ ပန်းပန်ထားသော ချစ်သူ၏အလှကို မည်သည့် အတိုင်းအတာနှင့်မျှ အကဲမဖြတ်နိုင်ချေ။ အလင်္ကာဆရာ တို့သည်ပင် အလှကို ၀ိဂြိုဟ်မပြုနိုင်ကြ။

ကဗျာဆရာလေးသည်ပင် ထိုအလှကို ရိုးတိုးရိတ်တိတ်မျှသာ ကဗျာ သီကုံးနိုင်ခဲ့၏။ စာဆိုဉာဏ်တွင် ထိုအလှကို အမိမဖမ်းနိုင်ရှာပေ။ ချစ်သူသည် သူပိုင်ဆိုင်သော အလှပစ္စည်းကို ကြွားဝါလို၍ ပန်းပန်ခြင်း မဟုတ်။ သူ့၌ အရိုင်းစိတ်ကို ကြည်၍ အယဉ်စိတ်ကို မွေးလေ့ရှိကြောင်း ပြခြင်းပင် ဖြစ်သည်။

သူ၏ စိတ်တွင်းအလှကို မြင်စိမ့်သောငှာ တစ်ခဏမျှ ဖွင့်လှစ်ပြလိုက်သော အလှပြူတင်းပေါက် ဖြစ်ပေသည်။ ယင်းအလှသည် တိုက်ရိုက် အသုံးဝင်ကောင်းမှ ဝင်ပေမည်။ အို ... တိုက်ရိုက် အသုံးမဝင်ပါပေ။ သို့ရာတွင် လောက၏ အသုံးအဆောင် မှန်ပေသည်။ သူ မပါလျှင် အလင်္ကာဂုဏ် မမြောက်နိုင်ပေ။

ရှုပါဘိ။ ပန်းကလေး၏ အလှသည် ချစ်သူ၏အလှကို လိုက်ဖက်အောင် ပြုပေး၏။ လှပသော အမူအရာသည် ပန်းကြောင့် ထင်ရှားလာ၏။ မျက်စိ၏ အဆင်မပြေမှုကို ဖျောက်၏။ အတင့်အတယ် ဖြစ်၏။ လောက၏ ပြေပြစ် တင့်တယ်သော အဆင်အယင်ကို ပြလိုက်နိုင်၏။ ထိုအခါ လောက၏ ချစ်စဖွယ်ဂုဏ်သည် နှလုံးသား၌ ကြေးမုံ ထင်လာလိမ့်မည် ဖြစ်သတည်း။

ပိတောက်မှသရဖီသို့ (တင်မိုး)

Arsenal 1 - 0 Real Madird

ဒီပြဲမွာေတာ့ Arsenal က ရွိတဲ့အထဲက အေကာင္းဆံုး ကစားသမားေတြနဲ႔ ပြဲထြက္လာတယ္။ Toure နဲ႔ Fabregas မပါတာကလြဲလို႔ေပါ့။ ဂိုးသမား Almunia ေနာက္တန္း ဗဟိုမွာ Gallas နဲ႔ Sendros, ဘယ္ဖက္က Clichy နဲ႔ ညာဖက္က Sagna. ေတာင္ပံႏွစ္ဖက္က Nasri, Walcott, ကြင္းလယ္ႏွစ္ေယာက္က Denilson, Diaby ေရွ႔တန္းမွာ Adebayer နဲ႔ Van Parsie ကို တြဲထားတယ္။ ဒီေန႔ပြဲမွာ ပထမေန႔ထက္ ကစားကြက္ ပိုေကာင္းလာတယ္။ Real ကလည္း အမာခံ ကစားသမားေတြနဲ႔ ပြဲထြက္လာလို႔ အျပန္အလွန္ ထိုးေဖာက္ တိုက္စစ္ ဆင္ၾကျပီး ၾကည့္ေကာင္းတဲ့ ပြဲတစ္ပြဲျဖစ္ခဲ့တယ္။ Robinho, Baptista နဲ႔ Raul (ဒုတိယပိုင္းမွာ Robin နဲ႔ Nistelrooy) တို႔ရဲ႔ တိုက္စစ္ေတြကို Arsenal ေနာက္တန္းက ခုခံကစားႏိုင္ခဲ့တယ္။

Winger အေနနဲ႔ Fabregas ကို ဘာလို႔မသံုးလဲေတာ့ မသိဘူး။ Diaby နဲ႔ Denilson တို႔ရဲ႔အလယ္တန္းကို သိပ္အားမရဘူး။ Denilson အစား Aron Ramsay ကို သံုးရင္ေတာင္ ပိုေကာင္းမယ္ ထင္တယ္။ Flamini ထြက္သြားကတည္းက ကြင္းလယ္ အဖ်က္ေနရာက ေတာ္ေတာ္ အားနည္းသြားခဲ့တာ။ Wilshere ေလးတစ္ေယာက္ ဒီပြဲမွာ ဒုတိယပိုင္း တစ္၀က္ေလာက္မွ လူစား၀င္ကစားခဲ့ရေပမဲ့ ေျခစြမ္းျပ ကစားသြားတယ္။ Fabregas တို႔လို တိုးတက္လာမဲ့ ကစားသမာေလးပဲဗ်။

Emirate Cup ျပိဳင္ပြဲ နွစ္ပြဲမွာ Arsenal ကစားသြားတာကို ၾကည့္ျပီးတဲ့ေနာက္ ေသခ်ာသြားတာက အသင္းမွာ Adebayer ရွိကို ရွိေနရဦးမယ္။ သို႔မဟုတ္ သူ႔ေလာက္ ထက္ျမက္တဲ့ တိုက္စစ္မွဴးတစ္ေယာက္လိုမယ္။ Van Parsie, Bentenar တို႔က တစ္ခါတစ္ေလ ေျခစြမ္းေပ်ာက္ေနတတ္တယ္။ Carlos Vela ကလည္း အသင္းငယ္ ေတြနဲ႔ ေျခစမ္းတုန္းက ဂိုးေတြသြင္းႏိုင္ခဲ့ေပမဲ့ အသင္းၾကီးေတြရဲ႔ေနာက္တန္းေတြကို သိပ္မတိုးႏိုင္ဘူး။

Emirate ဖလားကို လက္လႊတ္လိုက္ရေပမဲ့ Arsene Winger အေနနဲ႔ ေနရာအလုိက္လူထုတ္သံုးတာနဲ႔ ကစားကြက္ကို စိတ္ၾကိဳက္ စမ္းသပ္ ပံုေဖာ္ခြင့္ရခဲ့တယ္။ အဲဒါကို က အျမတ္ပဲေပါ့။

Emirate Cup Arsenal 0 - 1 Juventus

ဒီပြဲမွာ Arsene Winger ၾကီးက သူ႔ရဲ႔ ခ်ာတိတ္ ကေလးေတြကို အမ်ားၾကီး ထုတ္သံုး သြားတယ္။ ေနာက္တန္းမွာ ဘယ္အစြန္က Clichy ရဲ႔ေနရာမွာ Kieran Gibbs ဆိုတဲ့ ေကာင္ေလး၊ ညာဖက္မွာ Hoyte ဗဟိုခံစစ္ေနရာမွာ Senderos နဲ႔ Djourou ကိုသံုးထားတယ္။ ေအာင္မယ္ ... Senderos က Captain လက္ပတ္နဲ႔ဗ်။

အလယ္တန္း ဘယ္အစြန္မွာ Jack Wilshere ဆိုတဲ့ေကာင္ေလး ပြဲထြက္တယ္။ ညာအစြန္မွာ Eboue နဲ႔ ကြင္းလယ္က ဘရာဇီးသားေလး Denilson နဲ႔ Ramsay ကို ၀င္ကစားတယ္။ ေရွ႔တန္းတိုက္စစ္အေနနဲ႔ လူသစ္Carlos Vela ကို Bendtner နဲ႔တြဲေပးထားတယ္။

လူငယ္ေတြအမ်ားစုပါ၀င္ေနေပမဲ့ အခ်ိတ္အဆက္မိမိနဲ႔ Juventus ကို သူတင္ကိုယ္တင္ ယွဥ္ကစားႏိုင္ခဲ့ပါတယ္။ ဒါေပမဲ့ အဆံုးသတ္ Finishing ပိုင္းမွာ အားနည္းေနလို႔ ဂိုးမရခဲ့ဘူး။ လူငယ္ေတြ အရည္အေသြးေကာင္းေပမဲ့ အေတြ႔အၾကံဳလိုေနေသးတယ္။ Juventus က Trezeguet ရဲ႔လူကြ်ံေဘာအေနအထားက သြင္းယူသြားတဲ့ ဂိုးနဲ႔ ပထမပိုင္းမွာဦးေဆာင္ေနတယ္။

ဒုတိယပိုင္းအစမွာ Vela အစား Adebayer Hoyte အစား Gallas နဲ႔ Ramsay အစား Diaby ၀င္ကစားတယ္။ Adebayer ၾကီးကစားေနတာ စိတ္မပါလက္မပါနဲ႔ ေျခမေပၚဘူး။ ေဘာလံုးပိုင္ဆိုင္မႈအသာနဲ႔ အေပးအယူ တြဲလံုးေလးေတြ ေတာ္ေတာ္ေကာင္းတယ္။ ေရွ႔တန္းတိုက္စစ္မႈးေတြ Juventus ရဲ႔ေနာက္တန္းကို သိပ္မျခိမ္းေျခာက္ နိုင္ခဲ့ဘူး။ ဂိုးသမား Buffon ေတာင္ သိပ္မဖမ္းလိုက္ရဘူး။ ဒုတိယပိုင္း တစ္၀က္ေက်ာ္ ေလာက္မွာ Segana, Nasri, Walcott တို႔၀င္ကစားေသးတယ္။ ဒါေပမဲ့ ေခ်ပဂိုးေတာင္ ျပန္မသြင္းႏိုင္ပါဘူး။

ဒီပြဲမွာ အဓိက ကစားသမားေတြျဖစ္တဲ့ Fabregas, Van Persi, Almunia တို႔ကို ထုတ္မသံုးခဲ့ဖူး။ အရန္ဂိုးသမား Fabianski အထူးလက္စြမ္းျပကစားသြားတယ္။ တစ္ပြဲလံုးမွာ ကြ်န္ေတာ္အၾကိဳက္ဆံုးကေတာ့ left wing က ကစားသြားခဲ့တဲ့ မ်က္နွာသစ္ကေလး Jack Wilshere ပါပဲ။ ၀ါရင့္ကစားသမားတစ္ဦးအလား အသင္းနဲ႔ အံ၀င္ဂြင္က် ကစားသြားႏိုင္ခဲ့တယ္။ (ဒုတိယပိုင္း တစ္၀က္ေက်ာ္မွာ သူ႔ကိုထုတ္ျပီး Narsri ၀င္ကစားတာ) ဒီေန႔မွာ တလြဲတေခ်ာ္ေတြလုပ္တတ္တဲ့ Senderos လဲ သပ္သပ္ရပ္ရပ္နဲ႔ အေကာင္းဆံုးကစားသြားခဲ့တယ္။ Denilson ရဲ႔ ကစားပံုကိုေတာ့ သိပ္အားမရေသးဘူး။

ကြင္းလယ္မွာ Gebeto Silver, Flameni နဲ႔ Hleb တို႔ မရွိေတာ့ေပမဲ့ အခုေဘာလံုးရာသီမွာ Ramsay နဲ႔ Nasri တို႔အေနနဲ႔လည္း ကြင္းလယ္ ဗိုလ္ခ်ဳပ္ကေလး Fabregas နဲ႔ အတူ Arsenal ရဲ႔ ကြင္းလယ္ကစားကြက္မွာ အဆင့္မီ တြဲကစားႏိုင္မယ္လို႔ ေမွ်ာ္လင့္ရတာပဲ။ မၾကာခင္မွာလဲ Rosicky လည္း ျပန္ေကာင္းလာေတာ့မွာပဲ။ ဒီေန႔ ေျခစြမ္းအရ Wilshere ကို ဘယ္ေတာင္ပံမွာ လူစားအေနနဲ႔ ကစားခိုင္းလို႔ရေနျပီ။ ဒီရာသီမွာ ဒီေကာင္ေလး ကို လူငယ္အသင္းကေန အသင္းၾကီးကို ေျပာင္းကစားခိုင္းမယ္ထင္တယ္။

Van Persi, Walcott, Bentner နဲ႔ Carlos Vela တို႔ ဘယ္ေလာက္အားကိုးရမယ္ေတာ့မသိဘူး ေရွ႔တန္းတိုက္စစ္မႈး ေကာင္းတစ္ေယာက္ေလာက္ လိုဦးမယ္ထင္တယ္။ Adebayer ကလည္း အသင္းေျပာင္းခြင့္မရ၊ လခလည္း မတိုးေတာ့ ကပ္သီးကပ္ဖဲ့မ်ားလုပ္ေနလားမသိဘူး လံုး၀ကို ေျခမေပၚဘူး။

ဒီည Real နဲ႔ကစားမဲ့ပြဲမွာ Winger အေနနဲ႔ ဘယ္လို ပြဲထြက္လာဦးမလဲဆိုတာ ေစာင့္ၾကည့္ၾကတာေပါ့ ...

ဝါခေါင်လ

နူးညွတ်ဖွယ်သာ၊ 

ခုသန်ဝါကား ခတ္တာဖြူဖွေး၊ 

မစဲသေးလျက် ရောထွေးယှက်ကာ၊ 

ဘယ်ခြင်းရာကြောင့် ယင်းမာရွှေပန်း၊ 

ပွင့်စုံလန်းသည် နေနန်းသိန်နှင့် ကန်မှာသော်။ 

 

လက်ဝဲသုန္ဒရ

Staying at No.1 Position

Maintaining the number 1 position is more difficult than acquiring it. 

 

Ana Ivanovic တစ်ယောက် Rogers Cup ပြိုင်ပွဲမှာ Australia က ၁ရနှစ်အရွယ် Paszek ကို အသည်းအသန် ကစားပြီး ရှုံးနိမ့်သွားချိန်မှာပဲ no.2 Jankovic က ပြိုင်ဖက်ကို နှစ်ပွဲပြတ် straight set နဲ့ နိုင်ခဲ့ပါတယ်။

Wimbledon 3rd round ကထွက်ခဲ့ရတဲ့ Ana တစ်ယောက် အခုပွဲမှာလည်း ထွက်လိုက်ရပြန်ပါပြီ။ ညာဖက်လက်မ နာနေလို့ raquetကို ကောင်းကောင်းမကိုင်နိုင်လို့ မကစားနိုင်ခဲ့ဖူးလို့ ဆိုပါတယ်။

Ana နဲ့ Jankovic က Sony WTA ranking မှာ အမှတ် ၈ဝလောက်ပဲကွာပါတယ်။

လောလောဆယ်မှာ Ana တစ်ယောက် ပြင်သစ် အိုးပင်းမှာ ချန်ပီယံဖြစ်ခဲ့တဲ့ လက်ရည်မျိုး ပျောက်ဆုံးနေပါတယ်။ အနားယူသွားတဲ့ Justine Henin ရဲ့တည်ငြိမ်တဲ့လက်စွမ်းရယ် အောင်မြင်မှုကို ထိန်းသိမ်း နိုင်မှုရယ်ကို Ana ရော Sharapova ပါ မမှီသေးပါဘူး။

တစ်ဖက်မှာလည်း အမျိုးသား No.1 Federer တစ်ယောက် ရှုံးပွဲတွေဆက်လို့ နံပါတ်တစ်နေရာကို Nadal က ခြိမ်းခြောက်နေပါပြီ။ Federer အနေနဲ့က ၂၀၀၄ကတည်းက ကမ္ဘာ့နံပါတ်တစ်ဖြစ်ခဲ့တာပါ။ Nadal က ၂၀၀၅ခုနှစ်မှာ နံပါတ် ၂ စဖြစ်ပါတယ်။ တစ်ဖက်ကကြည့်ရင်လဲ Federer တစ်ယောက် နံပါတ်တစ်နေရာကို ထိန်းသိမ်းထားတာ ကြာခဲ့ပါပြီ။ တောင်တစ်တောင်ထက် နောက်တစ်တောင်ပိုမြင့်တယ်။ ရှေ့ကလှိုင်းလုံးကို နောက်လှိုင်းလုံးက လွှမ်းသွားတယ်။ ဘယ်အရာမှ မတည်မြဲဘူး .....

Nothing lasts forever ပါပဲ။