Monday, July 7, 2008

Nardal beats Federer, 2nd time

မနေ့ညက Wimbledon Tennis အမျိုးသားတစ်ဦးချင်း ဗိုလ်လုပွဲမှာ ကမ္ဘာ့အဆင့်၂ Nadal က အဆင့် ၁ Federer ကို အနိုင်ယူပြီး ပထမဆုံးအကြိမ်အဖြစ် Wimbledon Champion ဆုကို ရရှိခဲ့ပါတယ်။ လက်ရှိချန်ပီယံ Federer အနေနဲ့ Wimbledon မှာ ငါးနှစ် ဆက်တိုက် ချန်ပီယံဖြစ်ခဲ့ပြီး ဒီနှစ် ရခဲ့ရင်တော့ ပထမ ဦးဆုံးသော ခြောက်ကြိမ် ဆက်တိုက် ချန်ပီယံဆိုတဲ့ စံချိန်ကို ချိုးမှာဖြစ်ပါတယ်။ ငါးကြိမ် ဆက်တိုက် အဖြစ် B.Borg ရရှိခဲ့ပြီးနောက်ပိုင်းမှာ Federer အနေနဲ့ ဒုတိယမြောက် ရရှိသူဖြစ်ပါတယ်။ (ခြောက်ကြိမ်မြောက် နှစ်မှာ B.Borg ကို အမေရိကန် J.McEnroe အနိုင်ယူသွားခဲ့တာပါ)

Nadal အနေနဲ့ ပြင်သစ် အိုးပင်းမှာ Federer ကို အနိုင်ယူခဲ့ပြီး အခု Wimbledon မှာ ထပ်မံ အနိုင်ကစားနိုင်ခဲ့တာပါ။ မနှစ်က Wimbledon မှာတော့ ဗိုလ်လုပွဲမှာ Federer ကို အရေးနိမ့်ခဲ့တာပါ။ ပထမ set နှစ်ခုကို Nadal က 6-4, 6-4 နဲ့ အနိုင်ရ နေခဲ့ပါတယ်။ ဒါပေမဲ့ မိုးရွာလာလို့ ပွဲနားလိုက်ရပါတယ်။ ပြန်ကစားချိန် တတိယ set မှာ Nadal အနေနဲ့ ပွဲသိမ်းဖို့ straight set ရအောင် မရိုက်နိုင်ခဲ့ဘူး။ tie-break ဖြစ်ပြီး Federer က ပြန်ပြီး အနိုင်ယူသွားပါတယ်။ စတုတ္ထ set မှာလည်း tie-break ထပ်ဖြစ်ပြီး Nadal နေနဲ့ champion point ( ချန်ပီယံဖြစ်ရန် တစ်မှတ်အလို) အခြေအနေကို ရောက်ရှိခဲ့ပေမဲ့ Federer ကပဲ ထပ်မံအနိုင်ယူသွားပါတယ်။ ပွဲက အကြိတ်အနယ်နဲ့ အရမ်းကို ကြည့်လို့ ကောင်းနေ ပါတယ်။ 2 set စီ ဖြစ်နေလို့ ပဉ္စမ set ကအဆုံးအဖြတ်ပါပဲ။ Wimbledon ထုံးစံအရ နောက်ဆုံး set ကို tie-break မရိုက်ပါဘူး။ ကစားလို့ 3-3 ဖြစ်ချိန်မှာ မိုးထပ်ရွာလို့ ပွဲကို ထပ်မံရပ်ဆိုင်းလိုက်ရပြန်ပါတယ်။ အဲဒီအချိန်မှာ မနက် ၂နာရီထိုးခါနီးနေပြီ။ ဒါပေမဲ့ ပွဲကောင်းနေလို့ ကျွန်တော်လည်း အိပ်ချင်စိတ်နဲ့ မျက်စိက မဖွင့်နိုင်တော့သော်လည်း အားတင်းပြီး စောင့်ကြည့်ပါသေးတယ်။ မိုးကတော်ရုံနဲ့ မတိတ်... ဒါနဲ့ လက်လျှော့ပြီး ၀င်အိပ် လိုက်ရပါတယ်။

ဒီပွဲမှာ Federer ရဲ့ serving တွေအရမ်းကောင်းပါတယ်။ point တော်တော်များများကို serving ကယူသွာတာပါ၊ ကျွန်တော်ကြည့်နေချိန်မှာကိုပဲ ace အလုံး ၂၀ လောက်ရိုက်သွားတယ်။ Nadal တော့ ပြေးလွှားပြီး အပြန်အလှန် back and forth ရိုက်ကစားကြပြီဆိုရင်ပိုကောင်းပါတယ်။ မနက်နိုးမှ German DW TV က အားကစားသတင်းမှာ Nadal နိုင်သွားကြောင်းကြည့်လိုက်ရပါတယ်။ နောက်ဆုံးset မှာလည်း လက်ရည်ညီနေလို့ 9-7အထိ ရိုက်လိုက်ရပါတယ်။ စုစုပေါင်းကစားချိန် ငါးနာရီနီးပါးလောက်ရှိခဲ့ပါတယ်။ Nadal အနေနဲ့ ဒီချန်ပီယံဆုကို ထိုက်ထိုက်တန်တန် ရရှိသွားတာပါ။ ကျွန်တော်ကလည်း Nadal ကို အနိုင်ရစေချင်တာ 3rd နဲ့ 4th set တွေမှာ အနိုင်ရိုက်ဖို့အခွင့်အရေးရခဲ့ပေမဲ့ Federer ကပဲ အနိုင်ယူသွားတော့ 5th set မှာလဲ ရှုံးသွားနိုင်တယ် ဆိုပြီး စိတ်ပူနေခဲ့တာ။ မနက် TV သတင်းကြည့်ပြီး စိတ်ကျေနပ်ဘ၀င်ကျသွားခဲ့တယ်။


No comments: